U Kyrhyzstanie paviedamili pra 37 zahinułych u bajach na miažy z Tadžykistanam
Padčas uzbrojenych sutyknieńniaŭ na miažy Kyrhyzstana i Tadžykistana z kirhizskaha boku zahinuła 37 čałaviek, paviedamlaje ahienctva «Kabar» sa spasyłkaj na pres-słužbu MNS krainy.
Raniej paviedamlałasia ab 24 zahinułych i 129 paranienych, kolkaść apošnich, pavodle viedamstva, nie pavialičyłasia. U Batkienskim rajonie, jaki miažuje z Tadžykistanam, pačałasia evakuacyja, bolš za 136 tysiač čałaviek byli adpraŭlenyja siłami MNS u bolš biaśpiečnyja rajony.
U svaju čarhu ŭłady Tadžykistana aficyjna pakul što nie nazvali kolkaść zahinułych abo paciarpiełych.
Kanflikt na miažy Kyrhyzstana i Tadžykistana abvastryŭsia ŭ noč na 16 vieraśnia.
Na praciahu sutak z pačatku eskałacyi baki nieadnarazova damaŭlalisia zapuścić u dziejańnie režym spynieńnia ahniu, u tym liku pra heta havaryłasia na ŭzroŭni prezidentaŭ dźviuch krain, adnak damoŭlenaści znoŭ parušalisia.
Kamientary