Łukašenka — cerkvam: Mianie ździŭlaje pazicyja našych kanfiesij
Alaksandr Łukašenka na mitynhu ŭ Hrodnie zaklikaŭ pradstaŭnikoŭ roznych kanfiesij nie ŭmiešvacca ŭ pytańni palityki, paviedamlaje jaho pres-słužba.
— Mianie ździŭlaje pazicyja našych kanfiesij. Darahija maje śviatary, spyniciesia i zajmiciesia svajoj spravaj. U chramy ludzi pavinny prychodzić malicca! Cerkvy, kaścioły — nie dla palityki. Tudy ludzi dušoj pavinny prychodzić, jak heta było zaŭsiody, — skazaŭ Łukašenka. — Nie idzicie na pavadzie ŭ adščapiencaŭ. Vam budzie soramna i haniebna za toje, jakuju vy, niekatoryja, pazicyju zajmajecie ciapier. I dziaržava z abyjakavaściu na heta hladzieć nie budzie.
Nahadajem, mitrapalit Minski i Zasłaŭski, Patryjaršy ekzarch usiaje Biełarusi Pavieł zaklikaŭ Alaksandra Łukašenku spynić hvałt. Arcybiskup Tadevuš Kandrusievič u sieradu, 19 žniŭnia, pryjšoŭ da IČU na Akreścina. Jon pamaliŭsia pad ścienami śledčaha izalatara, a taksama pahutaryŭ z vałanciorami i byłymi viaźniami IČU, a ŭčora sustreŭsia ź ministram unutranych spraŭ Karajevym.
Z asabliva rezkim asudžeńniem falsifikacyj, aryštaŭ i źbićcia demanstrantaŭ vystupili pravasłaŭny jepiskap Hrodzienski i Vaŭkavyski Arciemij i katalicki biskup Viciebski Butkievič.
Čytajcie taksama:
Archijepiskap hrodzienski — nastaŭnikam: «Vam na kaleniach treba stajać, za ŭsie falsifikacyi, za tuju chłuśniu»
«Toje, što ja kazaŭ — prapisnyja iściny chryścijanstva». Hrodzienski śviatar u čas słužby vykazaŭsia pra vybary
Karajeŭ — Kandrusieviču: Akcyi pratestu byli dobra pradumany i nie byli mirnymi
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary