«Toje, što ja kazaŭ — prapisnyja iściny chryścijanstva». Hrodzienski śviatar u čas słužby vykazaŭsia pra vybary
«Pryznajusia, što dla mianie stała poŭnaj niečakanaściu vaša reakcyja, i stanoŭčaja, i admoŭnaja, na moj učorašni kamientar dla viernikaŭ», — tak prakamientavaŭ svajo vykazvańnie na niadzielnaj słužbie nastajaciel Śviata-Pakroŭskaha sabora Hieorhij Roj. Śviatar 2 žniŭnia źviarnuŭsia da viernikaŭ z nahody prezidenckich vybaraŭ, piša hrodna.life
Videa słoŭ nastajaciela źjaviłasia na kanale sabora ŭ YouTube i za sutki nabrała bolš za tysiaču prahladaŭ. U kamientarach u poście na Facebook u Hieorhija Roja šmat słoŭ padziaki.
«Darahija siabry i niadobrazyčliŭcy! Pryznajusia, što dla mianie stała poŭnaj niečakanaściu vaša reakcyja, i stanoŭčaja, i admoŭnaja, na moj učorašni kamientar dla viernikaŭ adnosna majučych adbycca vybaraŭ. Toje, što ja havaryŭ — heta prapisnyja iściny chryścijanstva, tysiaču razoŭ napisanyja i skazanyja da mianie. Vidać, z nami sapraŭdy štości nie tak, kali samyja prostyja, možna skazać, katechizisnyja śćviardžeńni stanoviacca ledź nie siensacyjaj», — napisaŭ na svajoj staroncy ŭ Facebook Hieorhij Roj.
2 žniŭnia na niadzielnaj słužbie śviatar nahadaŭ viernikam, što, zhodna ź Biblijaj, baćkam chłuśni jość djabał, i zaklikaŭ viernikaŭ nikoli nie dałučacca da jaje, «dzie b jana ni prajaŭlałasia».
«Šmat pieražyvańniaŭ u kožnaha z nas, kab byli mir i spakoj u našaj krainie. A miru i spakoju možna dasiahnuć tolki tady, kali jość spraviadlivaść. Kali parušajecca pryncyp spraviadlivaści ŭ hramadstvie, tady ŭźnikajuć roznyja supiarečnaści, jakija pravakujuć samyja niehatyŭnyja nastupstvy. Kali parušajecca pryncyp praŭdy — heta taksama toje, što pravakuje ludziej na rezkija kroki, rezkija dumki, rezkija słovy», — skazaŭ Hieorhij Roj.
-
«U spravie dźvie pasyłki — Źmitru Daškieviču i Śviatasłavu Udodu» — žančyna, jakaja źjechała ź Biełarusi
-
Cichanoŭskaja abmierkavała z namieśnikam dziaržsakratara ZŠA namahańni pa vyzvaleńni palitviaźniaŭ
-
«Nievierahodna, što dziaržTB moža tak adkryta chłusić». Čałaviek, jakoha BT nazvała kurataram japonskaha špijona, prakamientavaŭ situacyju
Kamientary