Pad Minskam razabrali «razumnyja» kvatery. Ciapier ich buduć budavać paŭsiul
Biełarusy raskupili pieršyja «razumnyja» kvatery ad zabudoŭščyka. Ich pabudavali i ŭkamplektavali ŭ zaharadnym kvartale «Pirs». Prajekt realizavany «A-100 Deviełapmient» sumiesna ź Jandeksam.
«Intelekt» atrymali dvuchpakajovyja kvatery ŭ sicichaŭsach. Datčyki adsočvajuć dym, praciok vady i niaprošanych haściej, a hałasavoje kiravańnie dazvalaje pahasić śviatło, zapuścić film ci ŭklučyć muzyku. Jość taksama try razumnyja razietki, kamiera videanazirańnia, pult, centr kiravańnia i dźvie «razumnyja» kałonki «Jandieks.Stancyi» z Alisaj.
Usie «razumnyja» kvatery vykupili ŭsiaho za miesiac. Vysoki popyt padšturchnuŭ zabudoŭščyka pavialičyć prapanovu na «razumnyja» kvatery ŭ Pirsie. Akramia taho, žyllo źjavicca ŭ «Novaj Baravoj», «Zialonaj havani» i «Depo».
Sistema abjadnoŭvaje roznyja prybory ŭ kvatery, jakimi možna kiravać hołasam, z pulta abo smartfona. Datčyki reahujuć na padazronuju aktyŭnaść: adkryćcio voknaŭ abo dźviarej, kali haspadaroŭ niama doma. Pry pahrozie sistema pačnie sihnalić i słać paviedamleńni na smartfon. Ź jaho možna padłučycca da kamiery videanazirańnia i atrymać «karcinku» pad roznym ahladam. Razumnyja razietki ŭ svaju čarhu adklučać pras abo abiastočać televizar pry skoku napružańnia abo karotkim zamykańni.
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami8
Kamientary