Pamierła Valancina Lemciuhova. Heta jana adstajała biełaruskuju tapanimiku
Pra jaje śmierć paviedamiła deputat Alena Anisim.
«Učora nie stała Valanciny Piatroŭny Lemciuhovaj.
14 traŭnia 1991 h. jana jak zahadčyk adździeła leksikałohii brała mianie na pracu ŭ Instytut movaznaŭstva imia Jakuba Kołasa. Ź jaje imiem źviazana šmat važnych dla Biełarusi i našaj fiłałahičnaj navuki daśledavańniaŭ. Ale dla mianie najpierš jana była dobrazyčlivym čałaviekam, unikalnaj žančynaj, vydatnym navukoŭcam, sapraŭdnaj biełaruskaj patryjotkaj. Dastatkova pryhadać, jak jana adstojvała artykuł u Zakonie ab hieahrafičnych nazvach, u jakim prapisana, što spačatku nazva dajecca na BIEŁARUSKAJ movie.
U mituśni štodzionnych spraŭ my nie paśpiavajem addać naležnaje pry žyćci. Zastajecca tolki pamiać.
Śvietłaja pamiać Valancinie Piatroŭnie i ščyraja ŭdziačnaść za jaje słaŭnyja čałaviečyja jakaści i zroblenyja spravy!» — napisała staršynia TBM Alena Anisim.
Valancinie Lemciuhovaj było 82 hady. Z 1961 pracavała ŭ Instytucie movaznaŭstva AN BSSR. Uznačalvała Respublikanskuju tapanimičnuju kamisiju pry NAN Biełarusi.
Była navukovym redaktaram i adnym z saaŭtaraŭ narmatyŭnaha tapanimičnaha daviednika «Nazvy nasielenych punktaŭ Respubliki Biełaruś» u 6 knihach, «Słoŭnika movy «Našaj Nivy» ŭ 5 tamach (pieršy ź ich vyjšaŭ u 2003 hodzie).
Valancinie Lemciuhovaj davodziłasia nie raz adstojvać pryncypy nacyjanalnaj tapanimii pry sprobach manipulavać hetym narodnym skarbam.
Prafiesar Lemciuhova: Nie pieravialisia dziaržaŭnyja čynoŭniki, jakim nie daje spakoju ŭsio biełaruskaje
Valancina Lemciuhova. «Naša Niva» i chranałahičnaja miaža sučasnaści biełaruskaj litaraturnaj movy
Sudziać hiendyrektara BiełAZa. Pahražaje da 15 hadoŭ9
Kamientary