Vynieśli prysud pa DTZ pad Mahilovam, dzie zahinuli try čałavieki
Avaryja adbyłasia ŭviečary 13 lipienia pablizu vioski Viejna (Mahiloŭski rajon). Kiroŭca Volkswagen jechała pa trasie M8 i łob u łob sutyknułasia z Audi. U vyniku zahinuli try čałavieki (u tym liku dzicia).
Sud vyrašyŭ, što abvinavačanaja, znachodziačysia ŭ stanie ałkaholnaha apjanieńnia, jechała pa avaryjna niebiaśpiečnym učastku trasy. Ź joj byli dvoje jaje małaletnich dziaciej (2019 i 2020 hoda naradžeńnia), a taksama muž. Ihnarujučy abmiežavańnie chutkaści, žančyna raźviła chutkaść da 131 km/h i pačała abhaniać furu.
U vyniku mašynu zaniesła, vyniesła na sustrečnuju, dzie adbyłasia avaryja. U vyniku DTZ muž i syn žančyny pamierli na miescy zdareńnia, a jaje dačka atrymała mienš ciažkija cialesnyja paškodžańni. Kiroŭca druhoha aŭtamabila atrymaŭ ciažkija cialesnyja paškodžańni, a jaho pasažyr pamior u balnicy», — paviedamili ŭ sudzie.
Svaju vinu žančyna nie pryznała i admaŭlała, što znachodziłasia ŭ niećviarozym stanie. Sud prysudziŭ jaje da siami hadoŭ kałonii pasialeńnia z pazbaŭleńniem pravoŭ na vosiem hadoŭ.
Taksama pastanoŭlena spahnać na karyść paciarpiełych kampiensacyju maralnaj škody na 50 000 rubloŭ.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary