Śviet1111

Rasijskija vajskovyja karabli pakinuli bazu ŭ siryjskim Tartusie

Rasijskuju bazu VMF u siryjskim Tartusie pakinuli ŭsie vajskovyja karabli. Miarkujučy pa spadarožnikavych zdymkach kampanii Planet Labs, jakija vyvučyła Ruskaja słužba Bi-bi-si, jašče dva dni tamu jany tam znachodzilisia.

Spadarožnikavy zdymak bazy ŭ Tartusie, zrobleny ranicaj 3 śniežnia. Fota Planet Labs. Kala pirsa ŭ centry fatahrafii nie vidać vialikich vajskovych karabloŭ 

Aficyjna hety abjekt nazyvajecca punktam materyjalna-techničnaha zabieśpiačeńnia VMF Rasii ŭ Siryi — rasijskija vajskoŭcy nastrojvajuć na tym, što jon nie źjaŭlajecca paŭnavartasnaj vajskovaj bazaj.

A heta spadarožnikavy zdymak bazy ŭ Tartusie, zrobleny 1 śniežnia. Na im dobra bačnyja try šeryja vajskovyja karabli kala pirsa

Zvyčajna vajskovyja karabli švartujutsia kala vialikaha pirsa, najbližejšaha da vychadu z buchty.

Na spadarožnikavym zdymku ad 3 śniežnia vidać, što kala pryčała niama nivodnaha bujnoha karabla. Za dva dni da hetaha, 1 śniežnia, kala pryčała byli zaŭvažanyja try vajskovyja karabli. Jany adroźnivajucca ad cyvilnych sudnaŭ šerym koleram i abvodami — jany bolš vuzkija.

Raniej pra toje, što rasijskija karabli pakidajuć Tartus, napisaŭ vajskovy OSINT-analityk H. I. Sutton. Jahony analiz byŭ apublikavany ŭ sietkavym vydańni Naval News.

«Adno z sudnaŭ [bazavałasia ŭ Tartusie], dapamožnaje sudna «Jelnia» było zaŭvažanaje pakidajučym Tartus ranicaj 2 śniežnia 2024 hoda, i jość infarmacyja, što niekatoryja abo ŭsie inšyja płaŭsrodki taksama pakinuli horad», — napisaŭ jon.

Pra toje, što «Jelnia» pakidaje Tartus, napisaŭ i vajskova-analityčny błoh Droxford Maritime.

Jak paviedamlała ŭ vieraśni Minabarony Rasii, u skład rasijskaj udarnaj hrupoŭki ŭ Mižziemnym mory na toj momant uvachodzili frehat «Admirał Hryharovič», karviet «Mierkuryj», «Admirał Fłotu Savieckaha Sajuza Harškoŭ» i dyziel-elektryčnaja padvodnaja łodka «Ufa».

Miarkujučy pa siłuetach i pamierach, 1 śniežnia kala pryčała bazy ŭ Tartusie mahli być pryšvartavanyja «Hryharovič», «Mierkuryj» i «Harškoŭ».

Punkt materyjalna-techničnaha zabieśpiačeńnia VMF Rasii ŭ Siryi važny pierš za ŭsio tym, što heta adziny rasijski vajskova-marski abjekt u Mižziemnym mory. Jahonaja kaštoŭnaść pavialičyłasia ŭ 2022 hodzie paśla pačatku rasijskaha ŭvarvańnia va Ukrainu.

Ciapier rasijski vajskova-marski fłot nie moža nakiroŭvać svaje karabli ŭ Čornaje mora, bo Turcyja praz vajnu pierakryła pralivy dla vajskovych karabloŭ.

Vajskovyja ekśpierty adznačajuć, što vyvad karabloŭ i sudnaŭ zabieśpiačeńnia z Tartusa moža aznačać, što rasijskaje kamandavańnie nie ŭpeŭnienaje ŭ mahčymaści harantavać ich biaśpieku.

Jašče adnym važnym dla Rasii abjektam u Siryi źjaŭlajecca vajskova-pavietranaja baza Chmiejmim.

Kamientary11

  • Hańba
    03.12.2024
    Narešcie pajšli pa aznačanym adrasie.
  • Chip
    03.12.2024
    Žadajem chutčejšaha dałučeńnia da "Maskvy"!
  • chacha
    03.12.2024
    kto znajet, kuda płyvut eti russkije vojennyje korabli?

Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ1

Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ

Usie naviny →
Usie naviny

Cichanoŭskaja abmiarkuje vybary ŭ Biełarusi ź ministrami zamiežnych spraŭ krain ES, a taksama ŭ Davosie7

CHAMAS pieradaŭ Izrailu śpis zakładnikaŭ, jakich pavinny vyzvalić siońnia. Izrail abviaściŭ spynieńnie ahniu3

Maršrutka z pasažyrami trapiła ŭ DTZ pad Minskam1

Tramp płanuje naviedać Kitaj u pieršyja sto dzion prezidenctva

Volha Łojka: Na pieramovach pa Ukrainie ad Biełarusi mahli b być Łukašenka i Bialacki25

Alaksiej Protas staŭ pieršaj zorkaj matča «Vašynhtona»1

Vučonyja adkryli novy typ dynazaŭra, padobnaha da T-Reksa, jaki ličyŭsia stračanym3

Jak Vašynhton rychtujecca da inaŭhuracyi 47-ha prezidenta ZŠA FOTA3

U ZŠA pierastaŭ pracavać TikTok2

bolš čytanych navin
bolš łajkanych navin

Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ1

Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ

Hałoŭnaje
Usie naviny →