Улада

Лукашэнка раскрыў дэталі спецаперацыі на Якубоўскага, дзе здарылася трагедыя. Але пытанняў толькі стала больш

На нарадзе з кіраўніцтвам сваёй Адміністрацыі Аляксандр Лукашэнка адказваў на пытанні, якія ўзніклі ў грамадстве пасля трагедыі на Якубоўскага, дзе загінулі супрацоўнік КДБ Дзмітрый Федасюк і айцішнік Андрэй Зельцэр. Але пытанняў не стала менш. 

Найперш Лукашэнка патлумачыў адсутнасць бронекамізэлек у супрацоўнікаў КДБ, якія, паводле Генпракуратуры, ішлі на вобшук з праверкай асоб, якія могуць быць датычнымі да тэрарызму і экстрэмізму.

«Гэта [адсутнасць сродкаў асабістай абароны пры правядзенні спецаперацыі] і было першым пытаннем, якое я задаў Церцелю [старшыні КДБ], як толькі мне далажылі праз некалькі хвілін пра гэтае здарэнне. Чаму хлопцы былі без абароны? Іх можна за гэта асуджаць. Гэта была іх ініцыятыва», — сказаў ён. 

Пытанне: «А так што, можна было?» — павісла без адказу. 

Далей Лукашэнка распавёў, як кадэбэшнікі апынуліся ў Зельцэра.

«Хлопцы адпрацоўвалі велізарны раён паводле аператыўнай інфармацыі, атрыманай раней, на прадмет прыналежнасці асобных людзей да замаху на тэрарызм», — расказаў Лукашэнка.

Праца вялася з самай раніцы, і да часу інцыдэнту (да 14.00) было затрымана нямала людзей.

Кватэра, куды прыйшла група супрацоўнікаў і ў іх ліку Дзмітрый Федасюк, таксама была сярод адрасоў, якія падлягаюць адпрацоўцы.

«Падчас працы (групы сілавікоў, у якой знаходзіўся і Дзмітрый Федасюк) з дзяжурнай часткі паведамілі, маўляў, там, дзе вы працуеце, патэлефанавалі з кватэры, просяць дапамогі, нешта там здарыласяЦяпер мы можам меркаваць, чаму быў званок. Ну, хлопцы паглядзелі, што і гэты адрас ёсць, просяць аб дапамозе, нешта там здарылася. І яны як добрыя славяне, добрыя беларусы, рынуліся туды, да гэтай кватэры. Грукаюць — ніхто не адчыняе. Раздаецца другі званок аб дапамозе ў гэты ж аддзел міліцыі», — распавёў Лукашэнка. Ён удакладніў, што адным з тых, хто тэлефанаваў, быў мужчына, іншым — жанчына.

«Цяпер мы можам меркаваць, чаму быў званок», — кажа Лукашэнка. Але пасля яго тлумачэння зусім не зразумела, чаму быў званок. 

«Адчыняюцца дзверы, людзі заходзяць, каб дапамагчы, мярзотнікам дапамагчы, якія патэлефанавалі з гэтай кватэры, — апісаў Лукашэнка. — А тое, што яны (тыя, хто тэлефанаваў з просьбай аб дапамозе, а на самай справе, як відаць з відэа, рыхтавалі зброю і вялі здымку) у гэты час рабілі, вы таксама бачылі».

«Яны рыхтаваліся да здымкі. Ніхто не збіраўся там гінуць. Трэба было паказаць здымку, і ў рэальным рэжыме часу (гэта таксама ўжо вядома) яны транслявалі туды, у Польшчу, Амерыку гэтыя кадры», — растлумачыў Лукашэнка.

Гэта цалкам новая інфармацыя, але робіць сітуацыю яшчэ больш незразумелай. 

Чаму праграміст здымаў відэа, а сілавікі прыйшлі без бронекамізэлек? Важныя пытанні пасля страляніны на Якубоўскага

Сын супрацоўніцы КДБ, вучыўся ў 20-й школе. Што вядома пра сілавіка, які загінуў у перастрэлцы на Янкоўскага?

Каментары

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Усе навіны →
Усе навіны

У Гомельскай вобласці аб'яўлена надзвычайная сітуацыя1

Трамп расказаў, што цудам яго выратавала ад кулі3

Латвія з 16 ліпеня забараняе ўезд машын з беларускімі нумарамі 3

Лідзія Ярмошына пра свае страхі ў 2020: З парламента прабіралася чорнымі хадамі11

У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

больш чытаных навін
больш лайканых навін

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Галоўнае
Усе навіны →