SpaceX запусціла місію па выратаванні астранаўтаў, якія затрымаліся на МКС
Кампанія Ілана Маска SpaceX у суботу запусціла ракету-носьбіт Falcon 9 з касмічным караблём Crew Dragon да Міжнароднай касмічнай станцыі (МКС), піша «Голас Амерыкі». У гэтага карабля будзе дадатковая місія.
У складзе экіпажа касмічнага карабля — два чалавекі замест чатырох. Два месцы вырашылі зарэзерваваць для вяртання на зямлю астранаўтаў Суніты Уільямс і Бутча Уілмара, якія затрымаліся на станцыі нашмат даўжэй, чым планавалася.
Гэтыя астранаўты прыбылі на МКС на караблі Starliner вытворчасці Boeing у пачатку чэрвеня і павінны былі правесці на арбіце ўсяго тыдзень. Але пры стыкоўцы са станцыяй у Starliner узніклі праблемы з рухальнай сістэмай. У NASA палічылі яго небяспечным для вяртання астранаўтаў на зямлю і вырашылі адправіць іх дадому на караблі галоўнага канкурэнта Boeing у космасе — SpaceX.
У выніку замест тыдня Уільямс і Уілмару давядзецца затрымацца на станцыі ажно на 8 месяцаў. Карабель Crew Dragon вернецца на Зямлю толькі ў лютым 2025 года.
Каментары
Хочаце на неба - збірайце дабраахвотна сродкі, а ня гэтыя танныя прапагандныя і неэфэктыўна даражэзныя бюджэтныя насыраскосмасы.
Брыда
Калі ў Індыі " раджа" 500млн$ на вяселле свайго ....сынка кідае У Індыі дэманстратыўна Запрашае тзв эліту захада зорак чыноўнікаў і яны ..едуць Як дагэтуль у рф А пасля распавядаюць прымушаюць да " нейкіх " каштоўнасцяў ")) Фарысэі ханжы пііііжоны