Эканоміка

Крыніцы: У Гуцэрыева вялікія праблемы — кітайцы замарозілі 580 мільёнаў даляраў на будаўніцтва Нежынскага камбіната

Як стала вядома «Нашай Ніве», пад пагрозай амбіцыйны праект будаўніцтва Нежынскага горна-узбагачальнага камбіната, які гуцэрыеўскі «Слаўкалій» узводзіць на крэдытныя сродкі Кітая пад гарантыю беларускага ўрада. Кітай у сувязі з санкцыямі замарозіў выдачу наступных траншаў крэдыту, будаўнічыя кампаніі з'язджаюць з пляцоўкі. 

Міхаіл Гуцэрыеў, Фота РБК

З канца чэрвеня прыпыненыя будаўнічыя работы — на праект выкарыстана ўжо 820 мільёнаў даляраў, але яшчэ 580 завіслі на кітайскім баку.

«Слаўкалій» летам не атрымаў з іх чаканы транш у 103 мільёны даляраў з прычыны ўведзеных санкцый.

Кампанія Міхаіла Гуцэрыева разам з беларускімі дзяржаўнымі структурамі спрабуе пераканаць кітайцаў вырашыць праблему. 

Склаўся цэлы санкцыйны пасьянс: пад забарону трапіў як сам Гуцэрыеў, так і Беларусбанк, які з'яўляецца крэдытным аператарам, праз якога кітайскія грошы аказваюцца ў «Слаўкалія» — драбнейшыя прыватныя банкі проста не падыходзяць па патрабаваннях для «пераварвання» шматмільённых транзакцый. 

Крыніцы паведамляюць, што забудоўшчыкі з'язджаюць з пляцоўкі, «Слаўкалій» мае перад імі даўгі. 

«Нас сабралі на нараду і замест канкрэтыкі з аплатай работы прапанавалі браць крэдыты самастойна і дабудоўваць, маўляў, наш бос мільярдэр, для яго гэта «не грошы», ён усё верне, нават калі кітайцы не разлічацца», — сказаў нам адзін з забудоўшчыкаў. 

Па яго словах, абяцанням веры няма, удзельнікі нарады ўспрынялі гэта як сігнал да згортвання.

Нагадаем, распрацоўка Нежынскага радовішча — амбіцыйны праект Міхаіла Гуцэрыева, якому ў свой час Лукашэнка прапаноўваў удзельнічаць у прыватызацыі Беларуськалія, але ў выніку ўсё перагулялася і выйшла іначай — у 2011-м дзяржаўныя СМІ рапартавалі, што «расійскі мільярдэр укладзе ў эканоміку рэспублікі 1,5 мільярда даляраў для распрацоўкі Нежынскага радовішча калію пад Любанню». 

Па факце Гуцэрыеў узяў у кітайцаў крэдыт на 1,4 мільярды даляраў на будаўніцтва горна-ўзбагачальнага камбіната пад гарантыі беларускага ўрада. 

Сваіх грошай, па розных ацэнках, ён уклаў ад 250 да 600 мільёнаў даляраў. 

Чытайце таксама:

Міхаіл Гуцэрыеў перадаў 37% акцый «Руснафты» свайму брату. Усё праз брытанскія санкцыі 

Сын Гуцэрыева, які трапіў пад заходнія санкцыі, сышоў з кіраўніцтва нафтаперапрацоўчай кампаніі 

Каментары

Трагічна загінуў начальнік аддзела СІЗА-112

Трагічна загінуў начальнік аддзела СІЗА-1

Усе навіны →
Усе навіны

28-гадовая ўкраінская журналістка Вікторыя Рошчына памерла ў расійскім палоне5

Арменія можа выдаць Мінску аднаго з арыштаваных беларусаў4

Эвакуявалі разам з сям'ёй былога палітзняволенага Глеба Раманава6

«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі8

На святкаванні «Дажынак» у Капыльскім раёне вясковец напаў з «ружачкай» на старшыню калгаса4

Колькасць распачатых крымінальных спраў за «экстрэмісцкія злачынствы» — 19 тысяч1

У Расіі закрываюць бізнэс рэпера Сярогі1

Пазняк: Калеснікава — штучна раздзьмутая асоба, якая адзначылася інфантыльнымі паводзінамі і недалёкімі казаннямі283

Беларус з ЗША прыехаў у Беларусь. Яго затрымалі і судзяць па чатырох палітычных артыкулах11

больш чытаных навін
больш лайканых навін

Трагічна загінуў начальнік аддзела СІЗА-112

Трагічна загінуў начальнік аддзела СІЗА-1

Галоўнае
Усе навіны →