Пра 26-гадовага ўраджэнца Мазыра Мікіту Бадзякоўскага мы пісалі ў ліпені. Тады беларус унёс мільён даляраў, каб паўдзельнічаць у турніры ў Лас-Вегасе, але ў выніку не выйграў нічога.
![](http://d3kcf2pe5t7rrb.cloudfront.net/img/w732d4webp1/photos/z_2018_08/badzia-jyoa8.jpg.webp)
Пасля гэтага Бадзякоўскі паспеў паўдзельнічаць яшчэ ў двух турнірах, якія прынеслі яму трыумфальныя вынікі. Спачатку беларус стаў пераможцам прэстыжнага Triton Super High Roller, які праходзіў у Паўднёвай Карэі. Там унёсак за ўдзел складаў 250 тысяч даляраў.
Выйгрыш беларуса склаў 5,2 мільёнаў даляраў. А літаральна ўчора наш суайчыннік стаў пераможцам покернага турніра ў Барселоне, які прынёс яму 1,6 мільёна прызавых.
Бадзякоўскі ўваходзіць у топ-30 найлепшых гульцоў у покер у свеце. А ягоныя выйгрышы складаюць каля 20 мільёнаў даляраў. Свой першы мільён на гульнях Бадзякоўскі зарабіў у васямнаццаць гадоў. Раней хлопец таксама захапляўся шахматамі.
Каментары