Расійскія войскі нанеслі ўдар балістычнай ракетай па жылым комплексе ў Крывым Рогу 24 снежня. Кіраўнік Крывога Рога Аляксандр Вілкул напісаў у сваім тэлеграм-канале, што пад удар трапіў чатырохпавярховы дом на 32 кватэры.
Вядома пра як мінімум адну ахвяру, яшчэ прынамсі 13 чалавек параненыя.
Кіраўнік Днепрапятроўскай абласной вайсковай адміністрацыі Сяргей Лысак апублікаваў у сацсетках фота ратавальнікаў, якія нясуць пацярпелага. Паводле яго, пад заваламі могуць заставацца людзі.
«У той час, як іншыя краіны свету святкуюць Каляды, украінцы працягваюць пакутаваць ад бясконцых расійскіх нападаў. Тэрарысты не разумеюць чалавечай маралі. Яны не разумеюць нічога, акрамя сілы», — напісаў у сацсетках упаўнаважаны Вярхоўнай Рады па правах чалавека Дзмітрый Лубінец.
Арыштавалі 58-гадовую гаспадыню аграсядзібы з Баранавічаў, якая была прэтэндэнтам на прэзідэнцкіх выбарах — 20202
Каментары