Rasija ŭdaryła pa žyłym domie ŭ Charkavie, zahinuła 11-hadovaje dzicia, 30 paranienych
U vyniku rasijskaha ŭdaru pa žyłym domie ŭ Charkavie zahinuła 11-hadovaje dzicia, paviedamiŭ kiraŭnik Charkaŭskaj abłasnoj vajskovaj administracyi Aleh Siniahubaŭ.
«Na žal, adno dzicia zahinuła. Miedykam, niahledziačy na sproby, nie ŭdałosia reanimavać chłopčyka», — napisaŭ jon u telehramie.
Jak raspavioŭ vydańniu «Suśpilnie» dyrektar abłasnoha centra ekstrannaj mieddapamohi Viktar Zabašta, chłopčyka dastali z-pad zavałaŭ ź ciažkaj traŭmaj hałavy, pierałomami i biez prykmiet žyćcia.
Pavodle jaho słoŭ, reanimacyjnyja mierapryjemstvy pravodzili ciaham 40 chvilin.
Kolkaść paciarpiełych u vyniku ŭdaru stanam na 7:40 pavialičyłasia da 34 čałaviek.
Taksama z-pad zavałaŭ ratavalniki debłakavali frahmienty cieł.
Avaryjna-vyratavalnyja raboty praciahvajucca.
Kamientary