U praŭładnych telehram-kanałach novy fłešmob — u padtrymku vyłučeńnia Łukašenki na vybary VIDEA
Takim čynam aŭtary sprabujuć naciahnuć na daŭno zroblenaje rašeńnie demanstracyju jaje masavaha ŭchvaleńnia.
U telehram-kanałach «Biełarusnafty» i Ministerstva abarony Biełarusi źjavilisia amal identyčnyja videa. Jany pačynajucca adnolkava — z kavałka intervju Alaksandra Łukašenki rasijskaj prapahandystcy Volzie Skabiejevaj. Jana pytaje pra vyłučeńnie na čarhovyja vybary, a jaje surazmoŭca kakietliva adkazvaje, što pojdzie, kali jaho prychilniki skažuć «treba».
Dalej idzie videašerah, na jakim roznyja ludzi vymaŭlajuć słova «Treba».
U roliku vajskoŭcaŭ nie abyšłosia biez tradycyjnaha kryndžu — vajskoŭcy vystrailisia ŭ vyhladzie słova «Nado».
Siarod udzielnikaŭ videa — desantnik z Marjinaj Horki Andrej Šarupič.
U 2022 hodzie jon zdymaŭsia jašče ŭ adnym prapahandysckim roliku — adkazu ŭkrainskim vajskoŭcam, jakija zaklikali nie vykonvać złačynnyja zahady i nie ŭstupać u vajnu.
Možna mierkavać, što z nabližeńniem 26 studzienia kolkaść padobnaha kantentu budzie tolki raści.
Kamientary