Арганізатарцы нашумелай сэкс-оперы ў Штутгарце сталі дасылаць пагрозы
Аўстрыйская мастачка і рэжысёрка Фларэнціна Гольцынгер, якая паставіла ў Штутгарце нашумелую БДСМ-оперу з хрысціянскім антуражам, сутыкнулася з нянавісцю вернікаў, якія называюць яе «д'яблам» і «сатаністкай». Цяпер на оперы будзе больш аховы.
Частка нямецкіх вернікаў абурылася новым правакацыйным сэкс-спектаклем аўстрыйскай рэжысёркі Фларэнціны Гольцынгер пад назвай Sancta («Святая»), які ў гэтым годзе дэбютаваў у тэатрах некалькіх гарадоў Германіі.
«Мой профіль у Instagram поўны інквізітарскай рыторыкі. Стала атрымліваць пагрозы і каментары ад вернікаў кшталту «ты — д'ябал» і «ты — сатаністка».
Нягледзячы на гэта, маю намер працягваць выступы і не дазволіць сабе паддацца цэнзуры. Наступнае прадстаўленне ў Штутгарце будзе забяспечана аховай, якая будзе больш уважліва кантраляваць доступ у тэатр. Паліцыя таксама заявіла, што гатовая ў выпадку неабходнасці хутка ўмяшацца ў экстранных выпадках», — перадае выданне Bild са спасылкай на мастачку Гольцынгер.
Раней аўтарка казала, што яе новы спектакль быў створаны не для насмешак над Царквой, а для вывучэння паралеляў паміж кансерватыўнымі інстытутамі грамадства з аднаго боку і субкультурнымі супольнасцямі з другога.
Нагадаем, што тыдзень таму падчас паказу спектакля Sancta у Штутгарцкай дзяржаўнай оперы 18 гледачоў адчулі моцную млоснасць, некаторым спатрэбілася тэрміновая медыцынская дапамога.
Сама пастаноўка ўтрымлівае ў сабе сцэны сапраўднага сэксу з БДСМ-элементамі, выкананымі акторкамі ў вобразе каталіцкіх манахінь, якія падчас спектакля ў аголеным выглядзе таксама абліваюцца штучнай ці сапраўднай крывёй, мастурбуюць пад тэхна музыку, спяваюць хэві-мэтал (класічны жорсткі рок), лазяць па сценах і катаюцца на роліках. Усё гэта суправаджаецца наяўнасцю на сцэне хрысціянскай атрыбутыкі, званоў і ўкрыжаванняў.
Прадстаўнікі дзяржаўнай оперы Штутгарта адзначылі, што афіша спектакля ўтрымлівае папярэджанні пра ўсе вышэйпералічаныя сцэны і пазначае, што выявы для некаторых гледачоў могуць быць траўмавальныя.
Спектакль Sancta, у якім удзельнічаюць толькі жанчыны, быў пастаўлены ў гарадах Германіі толькі ў гэтым годзе па матывах арыгінальнай оперы 1920-х гадоў пад назвай «Святая Сусана».
Паводле арыгінала, маладая манахіня Сусана ўзбуджаецца ад аповеду адной са старэйшых сёстраў жаночага манастыра. У парыве сэксуальнага запалу Сусана агаляецца на алтары і зрывае адзенне з фігуры Хрыста. Але, убачыўшы павука, які сімвалізуе яе грэх, спыняецца і бяжыць да іншых манахінь раскайвацца і маліць іх, каб тыя замуравалі яе жыўцом у якасці пакарання за бязбожны ўчынак.
Арыгінальны спектакль павінен быў дэбютаваць у дзяржаўнай оперы Штутгарта яшчэ ў 1921 годзе, але быў пастаўлены на сцэне толькі ў 1922 годзе з-за пратэстаў з боку каталікоў і духавенства.
«Стабільна дасылаюць дзікпікі». Ню-мадэлька Ліна Цапава — пра заробак ад фота, булінг у школе і адносіны з Мікітам Мелказёравым
«Перад тым, як зняць трусы — думай, што скажа пра цябе твой будучы былы»: Насця Рыбка напісала аўтабіяграфічную кнігу
Новы незвычайны спосаб рамантычных знаёмстваў набірае шалёныя абароты
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары10
Каментары
Канешне, пры медыйнай падтрымцы Bild Russian (адкуль крыніца), "Нашай Нівы", Медузы, Die Linke, SPD, Die Tageszeitung і іншых падобных?
Вось тады правакацыя была б аднаразавая, бо на "пагрозах" у Instagram бы не скончылася.
Гэта не першы такі выпадак. І яшчэ на фоне таго, што нават майстрым у ЕС пераканаўся да абмежаванняў у дачыненне міграцыі.