Украіна адказала на абвінавачванні ў планах нібыта атакаваць Запарожскую і Курскую АЭС
УСУ не будуць прымяняць «брудную бомбу» ці біць па АЭС, паведаміў МЗС Украіны, піша РБК.
Украіна не мае ні жадання, ні магчымасці атакаваць Курскую і Запарожскую атамныя станцыі, альбо ўжываць «брудную бомбу», заявіў прадстаўнік украінскага МЗС Георгій Ціхі.
«Мы афіцыйна абвяргаем гэтыя заявы», — напісаў ён у Х.
Пра такія планы паведамілі ў расійскай акупацыйнай адміністрацыі Харкаўскай вобласці, спасылаючыся на «вынікі допыту ваеннапалонных УСУ з 82 АДШБ». Як сцвярджаюць там, палонныя распавялі нібыта пра намер уладаў Украіны пасля выбуху абвінаваціць Расію ў правакацыі.
Аналагічную інфармацыю распаўсюдзіла прапагандысцкае дзяржагенцтва «РІА Навіны» са спасылкай на ананімную крыніцу ў неназваным сілавым ведамстве. З яе словаў, мэтай абраныя сховішчы адпрацаванага ядзернага паліва, боепрыпасы для гэтай задачы «ўжо завезеныя ў населены пункт Жоўтыя Воды Днепрапятроўскай вобласці Украіны».
Каментары