Ён пайшоў з жыцця пасля цяжкай працяглай хваробы сёння раніцай ва ўзросце 72 гадоў.
Памёр вядомы дзеяч беларускага левага руху Сяргей Калякін. Як стала вядома «Позірку», ён сышоў з жыцця пасля цяжкай, працяглай хваробы сёння раніцай ва ўзросце 72 гадоў.
З 1994 года Калякін узначальваў Беларускую партыю левых «Справядлівы свет» (да 2009 года называлася Партыяй камуністаў Беларускай).
Сяргей Калякін нарадзіўся 16 чэрвеня 1952 года ў Мінску, скончыў Мінскі радыётэхнічны інстытут (цяпер БДУІР) па спецыяльнасці радыёінжынер, член КПСС з 1977 года. Дэпутат Вярхоўнага Савета 13-га склікання (1995-1996).
Партыя «Справядлівы свет» была ліквідаваная Вярхоўным судом 29 верасня 2023 года. У снежні таго ж года Калякін увайшоў у аргкамітэт па стварэнні марксісцкай партыі.
Калякін — пляменнік спікера Вярхоўнага Савета 12-га склікання Мікалая Дземянцея.
Каментары
R.I.P.