У Польшчы затрымалі выкладчыка Вайсковай акадэміі. Ён не раз ездзіў у Беларусь
Ён выкраў даныя тысяч супрацоўнікаў польскіх спецслужбаў.
У Польшчы затрымалі выкладчыка Вайсковай акадэміі, якія выкраў даныя тысяч супрацоўнікаў польскіх спецслужбаў, паведаміў тэлеканал TVN.
«Вайсковая жандармерыя затрымала супрацоўніка Ваенна-гістарычнага бюро і адначасова выкладчыка Акадэміі ваеннага мастацтва. У яго былі знойдзены тысячы асабістых тэчак супрацоўнікаў спецслужбаў», — гаворыцца ў паведамленні. Таксама паведамляецца, што акрамя тэчак з данымі супрацоўнікаў спецслужбаў, у затрыманага выкладчыка пры ператрусе была знойдзеная дзіцячая парнаграфія.
Тэлеканал сцвярджае, што па гэтай справе, апрача Вайсковай жандармерыі і пракуратуры, працуе таксама Служба вайсковай контрразведкі. Павел П. неаднаразова наведваў Беларусь.
Верагодна, гаворка ідзе пра гісторыка Паўла Пятроўскага. Ён займаецца гісторыяй польскіх узброеных сіл пасля Другой сусветнай вайны і гісторыяй спецслужбаў таталітарных дзяржаў.
Лукашэнка пра флэшмоб «Надо!»: Эйсмант клялася, што не яна арганізавала, я ёй веру8
Каментары