У Полацкім раёне карова ўпала ў калодзеж. Вось як яе ўратавалі ВІДЭА
Жывёліна правалілася ў каналізацыйны калодзеж, людзі выклікалі МНС.
![](http://d3kcf2pe5t7rrb.cloudfront.net/img/w840d4webp1/photos/z_2024_07/1-9053p.jpg.webp)
Фото: МЧС
Карова правалілася ў каналізацыйны калодзеж у вёсцы Тросніца Полацкага раёна. Мясцовыя жыхары не маглі яе выратаваць самастойна, таму выклікалі МНС.
Ратавальнікі пабачылі, што карова правалілася ў калодзеж глыбінёй у 2 метры на прыватным падворку. Ацаніўшы сітуацыю, супрацоўнікі МНС задзейнічалі для выратавання жывёліны пагрузчык.
Да каровы ратавальнікі прывязалі пажарны шланг — і з дапамогай пагрузчыка выцягнулі жывёліну з калодзежа. З каровай усё добра, яна не пацярпела.
Каментары