У адным з мінскіх двароў на вуліцы Аэрадромнай 11 ліпеня заўважылі змяю яркай афарбоўкі. Каб яе злавіць, на месца выязджалі ратавальнікі, паведамілі «Мінск-Навіны».
![](http://d3kcf2pe5t7rrb.cloudfront.net/img/w732d4webp1/photos/z_2024_07/izobrazhenie_viber_2024-07-11_18-13-23-244-1154x1536jpg-zi36s.webp.webp)
Відавочцы знялі на відэа, як па двары ў бок дома нетаропка паўзла змея, якая сваёй афарбоўкай падобная да атрутнага каралавага аспіда з характэрнымі чырвонымі, чорнымі і светлымі кольцамі.
Занепакоеныя гараджане выклікалі на месца работнікаў МНС, якія злавілі паўзуна і перадалі ў Мінскі заапарк.
![](http://d3kcf2pe5t7rrb.cloudfront.net/img/w732d4webp1/photos/z_2024_07/izobrazhenie_viber_2024-07-11_18-13-23-010-1154x1536jpg-wgl5n.webp.webp)
Як расказалі ў асветніцкім аддзеле заапарка, да іх прывезлі неядавітую малочную змяю Кэмпбела. Пакуль яна знаходзіцца на карантыне пад наглядам спецыялістаў і не выключана, што хутка стане новым жыхаром установы.
У прыродзе такія змеі распаўсюджаныя вельмі далёка ад Беларусі, у Мексіцы. Таму, верагодна, сустрэтая ў мінскім двары жывёліна — нечы гадаванец, які проста збег ад гаспадара.
У Інданезіі гіганцкі пітон праглынуў жанчыну
На аўкцыёне ў Смалявічах будуць біцца за права здабываць гадзюк
Мінчанка выгульвала змяю проста ў двары: «Спачатку, вядома, секундны шок, але потым усе ідуць яго ціскаць»
«Ён стаіць, а на шыі заматаная вялізная змяя». Беларускі пяцікласнік расказаў пра сваіх незвычайных хатніх гадаванцаў
Пад Ляхавічамі ў вясковую краму прыпаўзла змяя. Давялося выклікаць ратавальнікаў
Каментары