Авіяўдар быў нанесены па яго рэзідэнцыі ў сталіцы Ірана, куды ён прыехаў на інаўгурацыю новага прэзідэнта краіны.
ХАМАС паведаміла аб гібелі кіраўніка палітбюро руху Ісмаіла Ханіі ў выніку ўдару Ізраіля па яго рэзідэнцыі ў сталіцы Ірана Тэгеране:
«Рух ісламскага супраціву ХАМАС выказвае спачуванні сынам нашага вялікага палесцінскага народа. Ісмаіл Ханія, кіраўнік руху, быў забіты ў выніку вераломнага налёту сіяністаў на яго рэзідэнцыю ў Тэгеране пасля яго ўдзелу ў цырымоніі інаўгурацыі новага прэзідэнта Ірана», — цытуюць сусветныя СМІ заяву ХАМАС.
Ізраільскія ўлады афіцыйных заяваў аб гібелі Ханіі пакуль не рабілі. Адзіным чыноўнікам, які выказаўся пра забойства Ханіі, стаў міністр па справах Ерусаліма і спадчыне Ізраіля Аміхай Эліяху, які назваў яго «правільным спосабам ачысціць свет ад гэтага бруду».
***
Ісмаіл Ханія нарадзіўся 29 студзеня 1963 года ў лагеры палесцінскіх бежанцаў Шааці ў Газе. У 1987 годзе скончыў Ісламскі ўніверсітэт Газы па кафедры арабскай літаратуры, і ў тым жа годзе ўступіў у шэрагі новага «ісламскага руху супраціву» (ХАМАС).
У 1992 годзе Ісмаіл Ханія быў дэпартаваны Ізраільскімі ўладамі ў Паўднёвы Ліван, праз год ён вярнуўся ў сектар Газа і пачаў працаваць у Ісламскім універсітэце.
Ханія з'яўляўся адным з бліжэйшых памочнікаў духоўнага лідара ХАМАСа шэйха Ахмада Ясіна. У 1998 годзе ён узначаліў яго канцылярыю.
У 2004 годзе пасля знішчэння Ясіна і яго пераемніка Абд аль-Азіза Ранцісі Ісмаіл Ханія ўзначаліў урад ХАМАСа ў Газе.
У маі 2017-га Ісмаіл Ханія быў абраны новым кіраўніком Палітбюро ХАМАС.
Ханія апошнія гады пражываў у сталіцы Катара. Яго асабістая маёмасць ацэньвалася ў больш чым 4 мільярды даляраў.
Многія сыны Ісмаіла Ханіі і іншыя яго сваякі былі ліквідаваныя падчас ваеннай аперацыі «Жалезныя мячы» ў Газе, якая пачалася пасля разні, учыненай тэрарыстамі ХАМАСа ў Ізраілі 7 кастрычніка 2023 года.
-
Артыкул пра халаднік у амерыканскім СМІ перасварыў літоўцаў і палякаў. У дыскусію ўключыліся і беларусы
-
«Я казала, што гэта сабака». Памятаеце пра барана, якога абмяркоўвае ўся Польшча? Яго гісторыю расказала гаспадыня
-
У Расіі пажаніліся праваслаўны бізнэсовец і дзіцячая амбудсменка. Ён спонсар «Рускай вясны», на яе выдалі міжнародны ордар
Пасля прыёму ў міністра Кубракова арыштавалі жанчыну, якая шмат гадоў змагаецца з «педафільскім лобі»6
Каментары