Сілавікі затрымалі берасцейца за ролік у тыктоку. Ён зняў даішніка і назваў яго «чык-чырыкам»
Відэа з хлопцам з'явілася ў блізкім да сілавікоў канале.
![](http://d3kcf2pe5t7rrb.cloudfront.net/img/w732d4webp1/photos/z_2024_07/1-v6dtg.jpg.webp)
Скрыншот відэа
Малады чалавек кажа, што яго завуць Максім Сяргеевіч. У чэрвені ён зняў на відэа супрацоўніка ДАІ, які хаваўся за слуп на прыпынку.
У сваім роліку аўтар называе даішніка «чык-чырыкам», а затым дадае нецэнзурнае слова. Сілавікі абвінавачваюць яго ў абразе супрацоўніка нецэнзурнай лаянкай.
На відэа сілавікоў хлопца прымусілі папрасіць прабачэння і прызнацца ў любові да ўлады. У якім статусе знаходзіцца затрыманы і што канкрэтна яму ставяць у віну, невядома.
Каментары