З 1 ліпеня змяняецца парадак прыёму на працу іншаземцаў. Жадаючыя прыехаць сюды на працу павінны атрымаць выдадзены ў Літве часовы від на жыхарства, піша Delfi.
Як паведамляе Дэпартамент міграцыі, з 1 ліпеня тут больш не змогуць працаваць іншаземцы, якія раней прыязджалі ў Літву па бязвізавым рэжыме або па нацыянальных, шэнгенскіх візах або відах на жыхарства, выдадзеных іншымі краінамі.
Аднак ёсць выключэнні, калі віды на жыхарства не патрабуюцца. Яны тычацца замежнікаў, якія прыязджаюць у Літву ў камандзіроўку або ў якасці супрацоўнікаў кампаніі, заснаванай у дзяржаве-члене Еўрапейскага саюза ці Еўрапейскай асацыяцыі свабоднага гандлю.
Турбавацца пра на віды на жыхарства таксама не трэба членам экіпажаў суднаў, якія плаваюць па міжнародных маршрутах пад сцягам Літвы;
іншаземцам, якія прыбываюць не больш як на 3 месяцы ў годзе для вырашэння пытанняў, звязаных з заключэннем і выкананнем дагавораў, навучаннем персаналу або ўстаноўкай абсталявання;
прадпрымальнікам, якія зʼяўляюцца акцыянерамі і кіраўнікамі кампаній;
высокапрафесійным спартсменам, выканаўцам;
журналістам, акрэдытаваным Міністэрствам замежных спраў;
асобам, якія афіцыйна займаюцца рэлігійнай дзейнасцю;
іншаземцам, якія прыбываюць для рэалізацыі валанцёрскіх праграм урадаў або ЕС;
выкладчыкам і даследчыкам;
грамадзянам эканамічна развітых краін, якія прыязджаюць на працу або каб займацца іншай легальнай дзейнасцю.
Іншаземцы, якія пачалі працаваць у Літве да ўступлення ў сілу паправак да закона, змогуць працаваць да заканчэння тэрміну легальнага знаходжання або да таго часу, пакуль яны не набудуць права на працу на іншых падставах, прадугледжаных законам.
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру3
Каментары