Адзін чалавек загінуў, пяцёра параненыя ў ДТЗ у Баранавіцкім раёне. Сутыкнуліся фура і два мікрааўтобусы
Два мікрааўтобусы і фура сутыкнуліся позна вечара 19 чэрвеня на трасе М-1, паблізу вёскі Лясная Баранавіцкага раёна. У аварыі загінуў 81-гадовы расеец.
![](http://nnexpictures.fra1.digitaloceanspaces.com/img/w732d4webp1/photos/z_2024_06/1-mcvyg.jpg.webp)
Учора каля 23: 30, паводле папярэдняй інфармацыі, 59-гадовы кіроўца мікрааўтобуса Renault здзейсніў сутыкненне са спадарожным грузавіком MAN, які рухалася наперадзе.
Аўтамабіль Renault перакуліўся. З ім сутыкнуўся мікрааўтобус Volkswagen, які ехаў следам.
![](http://nnexpictures.fra1.digitaloceanspaces.com/img/w732d4webp1/photos/z_2024_06/2-s2ejs.jpg.webp)
У выніку з сямі чалавек, якія ехалі ў Renault, шасцёра дастаўленыя ў бальніцу, дзе адзін з пасажыраў — 81-гадовы расеец — памёр.
Каментары