Грамадства11

За ўдзел у маршы пенсіянераў у 2020 годзе судзяць Галіну Лагацкую

У Кастрычніцкім судзе Мінска 14 чэрвеня пачаўся судовы працэс над пенсіянеркай Галінай Лагацкай, якая стала вядомай яшчэ ўдзелам у пратэсных акцыях «дармаедаў», піша Радыё Свабода.

Паводле судовых дакументаў, на якія спасылаецца праваабарончы цэнтр «Вясна», абвінавачанне 63-гадовай Галіне Лагацкай выставілі паводле 342-га артыкула Крымінальнага кодэксу Беларусі («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).

Крыніца, якая ў мэтах бяспекі прасіла не называць яе імя, расказала апошнія звесткі пра Галіну Лагацкую.

«Яе абвінавачваюць ва ўдзеле ў маршы пенсіянераў 2020 года, але невядома, у якім дакладна. І як яна ставіцца да абвінавачання, невядома. Трымаюць Галіну ў жодзінскай следчай турме № 8. У яе камеры няшмат людзей, усе забяспечаныя месцамі. Лісты ад яе даходзілі, на ўмовы асабліва не наракала, настрой перад судом быў нармальны», — паведаміла крыніца пра Галіну Лагацкую.

Галіну Лагацкую неаднаразова затрымлівалі падчас вулічных акцыяў і каралі з надуманых прычын. Так, 9 мая 2021 года Лагацкую затрымалі побач з плошчай Перамогі з партрэтам бацькі-франтавіка, пасля чаго прысудзілі 20 дзён арышту за «хуліганства», нібыта яна «чаплялася да мінакоў».

Сама пенсіянерка пасля адбыцця арышту сказала, што збіралася перадаць Лукашэнку, які прысутнічаў на ўскладанні кветак, ліст са скаргай.

Перадапошні раз Галіну Лагацкую затрымалі ў сакавіку 2022 году і зноў адправілі на 15 дзён пад арышт за ўлётку «Не — вайне», якую суд палічыў «недазволеным пікетаваннем».

Падчас таго арышту міліцыянты забралі ў Галіны Лагацкай мабільны тэлефон, які не аддавалі цягам больш як 2 гадоў. На пачатку красавіка 2024 года Галіне Лагацкай пазванілі з упраўлення міліцыі Кастрычніцкага раёна Мінска і прапанавалі прыйсці да іх па тэлефон. Крыніца расказала, як Галіна адрэагавала на тое запрашэнне з міліцыі.

«Яна ўжо баялася арышту і таму вагалася, падазраючы, што гэта можа быць пасткай, што яе завабліваюць. Але яна смелая жанчына і ўсё ж адважылася, пайшла. І, на жаль, яе асцярогі спраўдзіліся, дамоў яна пакуль не вярнулася. Але будзем чакаць», — сказала пра Галіну Лагацкую крыніца.

Судзіць пенсіянерку будзе суддзя Вольга Лаўрыновіч.

Каментары1

  • Развод ад мянтоў і кдбшнікаў
    14.06.2024
    Кдбшнік Сергеенка заклікае беларусаў, якія з'ехалі, вяртацца. А потым такія вярнуўшыеся проста знікнуць і ніхто не даведаецца, колькі гадоў турмы ім далі.
    Бо ўнутры краіны не засталося незалежных смі і праваабаронцаў, якія б маглі пра гэта паведамляць.

    https://m.nashaniva.com/344867

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Усе навіны →
Усе навіны

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?14

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

больш чытаных навін
больш лайканых навін

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Галоўнае
Усе навіны →