Грамадства77

Бондарава паскардзілася Пярцову на карупцыю ў Мінкульце — яе скаргу спусцілі ў Мінкульт

Даносчыца назвала гэта «футболам».

Вольга Бондарава. Фота: «Гродненская правда»

Прарасійская актывістка Вольга Бондарава паскардзілася падпісчыкам на тое, што яе скаргі ў дзяржаўныя органы ігнаруюць, абмяжоўваючыся стандартнымі адпіскамі.

Гэтым разам яна падрыхтавала вялікі па памерах зварот да намесніка кіраўніка адміністрацыі Лукашэнкі Уладзіміра Пярцова, у якім раскрытыкавала дзейнасць Міністэрства культуры і асабіста міністра Анатоля Маркевіча.

Набор прэтэнзій Бондаравай у цэлым стандартны. У сваім звароце яна заяўляе, што «супраць нацыі вядзецца вайна на знішчэнне», а «прапаганда заходніх каштоўнасцяў» сярод дзяцей накіраваная на «разбурэнне інстытуту сям'і, знішчэнне паняццяў «бацька» і «маці», вядзецца прапаганда наркотыкаў, асацыяльнага ладу жыцця і культу спажывання».

Усім гэтым, на думку Бондаравай, займаюцца нялюбыя ёй блогеры — ДзімДзімыч, Улад Кабякоў і іншыя папулярныя ў падлеткаў публічныя асобы. З іншага боку, у канцэртах па ўсёй краіне, у тым ліку ў «Славянскім базары», удзельнічаюць артысты, якіх Бондарава называе «БЧБшнікамі» — не абышлося без чарговага закліку забараніць «Драздоў», — а ў арганізацыі мерапрыемстваў прымае ўдзел ЮНІСЕФ, які Бондарава лічыць «варожым».

Да звароту ў адміністрацыю Лукашэнкі Бондарава прымацавала дапаўненні са спасылкамі на пасты ў яе тэлеграм-канале, фатаграфіямі і скрынамі. На адной з фатаграфій выяўлены плакат ЮНІСЕФ «Абарона падчас вайны», які актывістка палічыла «правакацыйным супраць СВА».

Праблема, на думку Бондаравай, у тым, што ўсё гэта адбываецца пры непасрэдным удзеле Мінкульта. У дапамозе «ворагам» Бондарава абвінаваціла нават сумна вядомую стварэннем «чорных спісаў» у сферы культуры Ірыну Дрыгу.

Больш за тое, Бондарава адкрыта абвінавачвае ў бяздзейнасці міністра Анатоля Маркевіча і піша пра «пратэкцыянізм і карупцыю ў Мінкульце». Даносчыца патрабуе ад Пярцова «назаўжды прыбраць з медыйнай сферы» ўсіх пералічаных у скарзе блогераў, артыстаў і чыноўнікаў, а таксама правесці сур'ёзны аналіз дзеянняў усіх зацікаўленых супрацоўнікаў Мінкульта.

Фота: сацсеткі Бондаравай

У адміністрацыі Лукашэнкі зварот вырашылі спусціць у апарат Саўміна, а той накіраваў скаргу на Мінкульт уласна ў сам Мінкульт. Ці бачыў дакумент Пярцоў, невядома. Сама Бондарава лічыць, што не. Яна мяркуе, што чыноўнікі яе проста «футболяць». І цяпер просіць дапамогі ў сваіх падпісчыкаў.

@nashaniva Бондарава апраўдваецца за наезд на нявестку Лукашэнкі #нашаніва #беларусь #лукашенко #беларускаямова #беларусьновости #жывебеларусь ♬ Funny Guy - Parry Music

Каментары7

  • даведка
    03.06.2024
    У Ольги Бондаревой мания величия, потому что белорусские чиновники футболят абсолютно всех граждан, а не только её одну. Самые несменяемые чиновники в стране — это начальники главного управления АП, управлений, отделов по работе с обращениями граждан... В той же администрации Лукашенко за тридцать лет его власти таковых было всего несколько, да и те до глубокой старости. Их ценят именно за это умение «футболять».)
  • Acab
    03.06.2024
    А, дарэчы, пра ўсіх гэтых актывістаў-валянтэраў.
    Калі ўлада гайдалася, на іх абаперліся, але цяпер кароль ўмацаваўся і ўсе, хто не на акладзе будуць прыцішаныя ці рэпрэсаваныя.
    Дзяржава ня талеруе невэртыкальных дзеяньняў, нават на сваю падтрымку.
    Вышейнапісанае валіднае паўсюль.
  • Таварыш
    03.06.2024
    "Жудасная памылка" праз 3, 2, 1...

Яшчэ адна ахвяра шторму — дрэва забіла хлопчыка пад Рэчыцай

Яшчэ адна ахвяра шторму — дрэва забіла хлопчыка пад Рэчыцай

Усе навіны →
Усе навіны

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

больш чытаных навін
больш лайканых навін

Яшчэ адна ахвяра шторму — дрэва забіла хлопчыка пад Рэчыцай

Яшчэ адна ахвяра шторму — дрэва забіла хлопчыка пад Рэчыцай

Галоўнае
Усе навіны →