Ілюстрацыйны здымак. Фота: AP Photo / Matt York

 Ілюстрацыйны здымак. Фота: AP Photo / Matt York

Першая група ўкраінскіх пілотаў завяршыла навучанне працы на знішчальніках F-16 на ваеннай базе ў Арызоне, і ўжо гэтым летам да іх далучацца іншыя. 

«Выпусцілася першая група, іншыя скончаць падрыхтоўку тут да канца жніўня», — паведаміла «Голасу Амерыкі» прадстаўнік Нацыянальнай гвардыі Арызоны Эрын Ханіган. 

Сярод выпускнікоў ёсць некалькі ўкраінскіх пілотаў, якія праходзілі падрыхтоўку на базе ВПС Нацыянальнай гвардыі Морыс у Тусоне, паведаміў на ўмовах ананімнасці федэральны чыноўнік. 

У інтарэсах бяспекі пілотаў афіцыйныя асобы адмовіліся назваць дакладную колькасць выпускнікоў і колькасць тых, хто працягвае навучанне на F-16. 

Дыслакаванае на базе Морыс 162-е авіякрыло лічыцца вядучым падраздзяленнем ВПС Нацыянальнай гвардыі па падрыхтоўцы пілотаў F-16. 

На базе размешчана адзіная школа ВПС, дзе рабоце на знішчальніках навучаюцца пілоты з больш як 20 краін. 

Кіеў папрасіў Захад даць яму самалёты пасля пачатку поўнамаштабнага расійскага ўварвання ва Украіну ў лютым 2022 года. 

У жніўні 2023 года прэзідэнт Джо Байдэн ухваліў план, паводле якога заходнія саюзнікі адправяць ва Украіну знішчальнікі F-16 пасля завяршэння падрыхтоўкі пілотаў. 

У жніўні мінулага года Украіна набірала тэмпы ў супрацьстаянні з Расіяй, аднак пасля гэтага ў Кангрэсе адбылася шматмесячная затрымка з ухвалай новай вайсковай дапамогі Кіеву. На думку аналітыкаў, Расія скарысталася гэтым, каб дабіцца поспехаў на полі бою. 

У красавіку прэмʼер-міністр Бельгіі Аляксандэр дэ Кроа заявіў, што абяцаныя яго краінай знішчальнікі будуць пастаўлены Кіеву да канца года.

Чытайце таксама:

Чаму Лукашэнка папракаў сваіх прапагандыстаў за тэму Украіны?

Трамп заявіў, што бамбіў бы Маскву, калі б Расія ўварвалася ва Украіну пры ягоным прэзідэнцтве

Краіны НАТА папрасілі Зяленскага не патрабаваць сяброўства Украіны ў альянсе

Клас
4
Панылы сорам
0
Ха-ха
0
Ого
0
Сумна
0
Абуральна
1