Кейн спрабуе забраць мяч у Антоніа Рудзігера («Рэал») у паўфінале Лігі чэмпіёнаў. «Рэал» выбіў «Баварыю» з турніру. Фота: Jose Breton / AP 

Кейн спрабуе забраць мяч у Антоніа Рудзігера («Рэал») у паўфінале Лігі чэмпіёнаў. «Рэал» выбіў «Баварыю» з турніру. Фота: Jose Breton / AP 

Форвард «Баварыі» Гары Кейн стаў уладальнікам «Залатой буцы» як найлепшы бамбардзір еўрапейскіх ліг па выніках сезона-2023/2024.

Англійскі гулец завяршыў сезон з 36 галамі ў чэмпіянаце Германіі. Яго найбліжэйшым пераследнікам стаў форвард «Штутгарта» Серу Гірасі (28 забітых мячоў). На трэцім радку форвард «ПСЖ» Кіліян Мбапэ (27 галоў).

У мінулым сезоне ў складзе мюнхенцаў (у тым ліку ў Кубку Германіі і Лізе чэмпіёнаў) за 45 матчаў Кейн забіў 44 галы і аддаў 12 выніковых перадач. У апошні раз на футбольнае поле 30-гадовы англічанін выходзіў 4 мая ў матчы са «Штутгартам». Пасля гэтага ён не гуляў з-за траўмы.

Нагадаем, гэты сезон у «Баварыі» стаў для Кейна дэбютным у Бундэслізе. Па выніках сезона Гары і яго клуб не змаглі выйграць ніводнага тытула.

Чытайце таксама:

З-за пірацтва БТ УЕФА можа пазбавіць беларускі футбол фінансавання

Фурор украінцаў у Іспаніі — у адным матчы Доўбік забіў тры галы, Цыганкоў — два. ВІДЭА

Крышціяну Раналду можа вярнуцца ў топ-чэмпіянат

Клас
1
Панылы сорам
0
Ха-ха
0
Ого
0
Сумна
0
Абуральна
0