Дзяўчынка — са шматдзетнай сямʼі, што стаяла на ўліку як сацыяльна небяспечная.
Як піша СК, 14-гадовая дзяўчынка пазнаёмілася ў тэлеграме з 18-гадовым хлопцам у сакавіку 2023 года. Новаспечаны сябар праявіў зацікаўленасць жыццём школьніцы: яго хвалявала, як жыве падлетак, ці ладзіць яна з бацькамі.
Дзяўчынка пражывала ў Смалявічах і выхоўвалася ў шматдзетнай сям'і, якая знаходзіцца ў сацыяльна небяспечным становішчы. Маці з айчымам рэгулярна пілі алкаголь, а дзеці знаходзіліся без належнага нагляду.
Хлопец расказаў, што можна зарабіць кішэнныя грошы, аказваючы паслугі інтымнага характару. Арганізацыю дзейнасці браў на сябе: адміністраванне старонкі на адпаведным інтэрнэт-сайце, падбор і праверка кліентаў, а таксама даванне кватэры для сустрэч. Першапачаткова дзяўчынка адмовілася, але праз некалькі месяцаў пасля сур'ёзнага канфлікту з маці вырашылася на гэты крок.
У маі 2023 года падлетак паехала на сваю першую замову. Пасля аказання паслуг сэксуальнага характару дзяўчынка зарабіла 200 долараў ЗША, палову з якіх аддала свайму «наймальніку». Атрымаўшы такую вялікую суму, непаўналетняя ахвотна згаджалася на наступныя прапановы.
Як піша СК, у сваім «занятку» школьніца не бачыла нічога заганнага. Яна працягвала хадзіць на вучобу, а ў выходныя ездзіла на «працу» ў Мінск. Бацькі не надалі значэння рэзкай самастойнасці дзіцяці, а наадварот маці хваліла дачку і дзякавала за фінансавую падтрымку сям'і.
У снежні 2023 года дзяўчыну затрымалі на заказе. Пры вобшуку, паводле СК, у школьніцы аператыўнікі выявілі мефедрон масай 0,10 грама.
Па выніках расследавання дзеянні хлопца кваліфікаваны па ч. 2 арт. 171 (арганізацыя і выкарыстанне для заняцця прастытуцыяй заведама непаўналетняга) і па ч. 2 арт. 171-1 (уцягванне ў занятак прастытуцыяй, учыненае паўторна) Крымінальнага кодэкса.
Судзяць гендырэктара БелАЗа. Пагражае да 15 гадоў7
Каментары
а дачок пазашлюбных увогуле не прызнае