Абнаўленні, якія плануюць, асабліва закрануць тых, хто сядзіць без працы, ці ў пошуку.
Змены ў законы па пытаннях занятасці дэпутаты прынялі ў другім чытанні 17 верасня. Яны ўступяць у сілу, калі будуць ухвалены Саветам Рэспублікі і падпісаны Лукашэнкам.
Гэтыя змены мусяць закрануць як наймальнікаў, так і тых, хто шукае працу.
Асноўныя новаўвядзенні для суіскальнікаў працы
Зарэгістравацца ў якасці беспрацоўнага можна будзе без прывязкі да месца рэгістрацыі.
Калі цягам месяца пасля звальнення вы зарэгіструецеся ў службе занятасці, то можаце разлічваць на дапамогу па беспрацоўі.
Сам перыяд выплаты дапамогі па беспрацоўі хочуць скараціць з шасці да трох месяцаў. Але варта адзначыць, што памер гэтай дапамогі мізэрны (максімум 80 рублёў на месяц).
З'явіцца больш катэгорый беспрацоўных, якім дадуць дадатковыя гарантыі па працаўладкаванні ў кошт броні.
Максімальны тэрмін знаходжання на ўліку ў якасці беспрацоўнага зменшаць з 18 да 12 месяцаў.
Змены для наймальнікаў
Ім плануюць даць больш магчымасцяў для пошуку работнікаў.
Наймальнікі змогуць атрымаць магчымасць заяўляць у агульнарэспубліканскі банк вакансій не толькі дзеючыя вакансіі, але і тыя, якія з'явяцца ў перспектыве.
Пры гэтым будзе забаронена размяшчаць вакансій на анлайн-рэсурсах, калі гэтыя працоўныя месцы не заяўлены ў агульнарэспубліканскі банк вакансій.
Можна будзе публікаваць вакансіі не толькі па працоўных, але і па грамадзянска-прававых дагаворах.
Запрацуюць квоты на працоўныя месцы для інвалідаў.
Гэтыя і іншыя змены могуць уступіць у сілу з 1 студзеня 2025 года.
Цалкам азнаёміцца з законапраектам можна па спасылцы.
«П****ец адбыўся». Вольга Кавалькова патлумачыла, чаму адышла ад палітыкі і царквы і як трансфармуе боль у любоў23
Каментары
Шмат хто з так званае дэмакратычнае апазыцыі лічыць гэдак жа?! Так вось, галубочкі, вашая прэтэнзыя да рэжыму ў тым, што на вашую думку не падлукашэнкі, а вы маеце пхаць пысу ў чужыя справы.