Ва ўсіх рэгіёнах Беларусі ўсталююць манумент ахвярам генацыду. На эскізе не абышлося без памылак ФОТА
Устаноўку манументаў абмяркоўвалі на пасяджэнні міжведамаснай камісіі па ўвекавечанні памяці ахвяр генацыду беларускага народа ў гады Другой сусветнай вайны.
Памятныя знакі «Дрэва жыцця» па ўказанні Лукашэнкі збіраюцца ўсталяваць ва ўсіх рэгіёнах Беларусі. Першым рэгіёнам, у якім ужо пачалі рыхтавацца да ўзвядзення помніка, стала Гомельская вобласць. Там ужо прыступілі да вырабу манумента.
Прэс-служба Генпракуратуры апублікавала два праекты памятных знакаў. Які з іх быў зацверджаны, пакуль не паведамляецца.
Пры гэтым на адным з эскізаў ёсць памылкі ў надпісах на беларускай мове: «бязвіным» замест «бязвінным» і «народу» замест «народа».
Каментары