Грамадства88

Марзалюк расказаў, якога нябожчыка будуць судзіць наступным пасля Катрука

8 лютага Вярхоўны суд Беларусі пачаў першы ў гісторыі краіны судовы працэс над нябожчыкам. Судзяць памерлага 9 гадоў таму Уладзіміра Катрука, абвінавачанага ў забойстве жыхароў Хатыні. Ведаючы асаблівасці лукашэнкаўскага судаводства, вынясенне абвінаваўчага прысуду — справа тэхнічная, і адразу пасля Катрука суд гатовы ўзяцца за разгляд справы іншага памерлага.

Ігар Марзалюк

У інтэрв'ю тэлеканалу АНТ дэпутат Палаты прадстаўнікоў Ігар Марзалюк паведаміў, што чарговым нябожчыкам, якога стануць судзіць у Беларусі, стане Сымон Серафіновіч, піша «Радыё Свабода».

«Серафіновіч, нацыянальна-свядомы дзеяч Вялікай Брытаніі пасля вайны, начальнік паліцыі Міра. Другі працэс пасьля Катрука будзе над ім. Ён па вушы ў крыві», — сказаў Ігар Марзалюк.

Сымон Серафіновіч паходзіў з ваколіцаў Міра, нарадзіўся ў 1910 годзе. Летам 1944 года далучыўся да 30-й грэнадзёрскай дывізіі СС, здаўся ў палон амерыканцам і пайшоў добраахвотнікам у 2-гі Польскі корпус. Пасля вайны жыў у Лондане, удзельнічаў у дзейнасці беларускай дыяспары.

У 1990-х гадах супраць яго ў Вялікабрытаніі была распачатая крымінальная справа за ваенныя злачынствы, якую, аднак, неўзабаве спынілі з прычыны сталага веку і хваробы абвінавачанага.

Цяперашняя кампанія рэжыму Лукашэнкі па судах над даўно памерлымі людзьмі, звязанымі са злачынствамі часоў Другой сусветнай вайны — адзін з элементаў ініцыяванай і заведзенай Генеральнай пракуратурай на чале з Андрэем Шведам крымінальнай справы адносна «генацыду беларускага народа». Праз такую своеасаблівую апеляцыю да гісторыі рэжым, які страціў унутраную легітымнасць, намагаецца абгрунтаваць неабходнасць сілавога задушэння мірных пратэстаў і апраўдаць сваё знаходжанне пры ўладзе любой цаной.

Каментары8

  • Кастусь
    16.03.2024
    наступны нябожчык якога будуць судзiць - лукашэнка)
  • Мразалюк
    16.03.2024
    Дойдзе i да iх чарга
  • Ганьба
    16.03.2024
    Нікчэмны плаксівы служка Марзалюк, цябе асудзяць пры жыцці.

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Усе навіны →
Усе навіны

Рыжанкоў прыляцеў у КНДР

КНДР зноў запусціла шары са смеццем на поўдзень. Адзін з іх упаў ля рэзідэнцыі прэзідэнта Паўднёвай Карэі

Што адбываецца ў Палку Каліноўскага і чаму байцы кажуць пра яго магчымае знікненне?30

Харыс апярэджвае Трампа: 44% супраць 42% — першае апытанне пасля зняцця Байдэна27

Экс-расіянка павінна несці сцяг Кіпра на адкрыцці Алімпіяды. Але ў яе знайшлі OnlyFans, і пачаўся скандал16

У Мінску з'явілася вуліца «Червекова» — на адным з дамоў павесілі таблічкі з памылкай ФОТАФАКТ8

У Кіеўскім універсітэце адновяць вывучэнне беларускай мовы12

МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка11

У Мінску скардзяцца на затрымку выдачы пашпартоў. У чым прычына?7

больш чытаных навін
больш лайканых навін

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Галоўнае
Усе навіны →