Свет

Кітай абвінавацілі ў маштабным узломе, «які закрануў мільёны людзей». Што вядома?

Амерыканскія і брытанскія чыноўнікі афіцыйна абвінавацілі спецслужбы Кітая ў маштабнай шпіёнскай кампаніі супраць «крытыкаў Пекіна», якая магла закрануць шматлікія арганізацыі, а таксама афіцыйных асоб, навукоўцаў, журналістаў, дысідэнтаў і іншых людзей па ўсім свеце. Пад удар маглі трапіць мільёны.

Ілюстрацыйная выява. Фота: pixabay

Па інфармацыі чыноўнікаў ЗША і Вялікабрытаніі, у свеце адбылася масавая хакерская атака на «крытыкаў кітайскага рэжыму», у ліку якіх апынуліся заканадаўцы, навукоўцы, журналісты, грамадскія дзеячы, абаронныя і камерцыйныя кампаніі, а таксама розныя базы даных па ўсім свеце, перадае агенцтва Reuters.

У маштабнай кібершпіёнскай кампаніі абвінавацілі кітайскую хакерскую групоўку «APT31», якую амерыканскія чыноўнікі назвалі «адным з падраздзяленняў Міністэрства дзяржбяспекі Кітая».

Толькі ў ЗША, паводле афіцыйнага абвінавачвання, узлом прывёў да фактычнай ці патэнцыйнай кампраметацыі працоўных рахункаў, асабістых электронных лістоў, анлайн-сховішчаў і запісаў тэлефонных званкоў, якія належалі мільёнам амерыканцаў.

«Мэтай глабальнай хакерскай аперацыі было падаўленне крытыкаў кітайскага рэжыму, а таксама скампраметаванне дзяржаўных устаноў і крадзеж камерцыйнай таямніцы», — заявіла ў панядзелак намесніца генеральнага пракурора ЗША Ліза Манака.

З падобнымі абвінавачваннямі выступіла і Вялікабрытанія, заявіўшы, што пад удар кітайскіх хакераў трапілі брытанскія парламентарыі і іх электронная пошта.

Кітай, у сваю чаргу, назваў абвінавачанні супраць сябе «сфабрыкаваным і зламысным паклёпам».

Каментары

Стрыжак пра Пратасевіча: Са мной такога адбыцца не магло2

Стрыжак пра Пратасевіча: Са мной такога адбыцца не магло

Усе навіны →
Усе навіны

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася5

У Мінску распачаўся «форум патрыётаў», прысвечаны 30-годдзю кіравання Лукашэнкі15

У цэнтры Кіева знеслі сядзібу Зяленскіх4

У расійскім Краснадары людзі перакрылі вуліцу з-за адключэнняў святла1

Жанчыну-мэра на Філіпінах абвінавачваюць у шпіянажы на Кітай. Высветлілася, што яна не тая, за каго сябе выдавала1

Скарлет Ёхансан назвала кіраўніка OpenAI Альтмана выдатным прататыпам для злыдня Marvel

Помнік на магіле Прыгожына ў Пецярбургу аблілі белай фарбай. А ў руку ўставілі фалаімітатар ФОТАФАКТ4

«Па кодавым слове «Барысаўна» выкінула ў акно €760 тысяч». 16-гадовы кур'ер забраў у дваіх пенсіянераў 2,7 млн рублёў14

Што адбудзецца, калі Байдэн выйдзе з прэзідэнцкай гонкі?1

больш чытаных навін
больш лайканых навін

Стрыжак пра Пратасевіча: Са мной такога адбыцца не магло2

Стрыжак пра Пратасевіча: Са мной такога адбыцца не магло

Галоўнае
Усе навіны →