Грамадства1212

Краіна два месяцы без кіраўніка АП. Аказваецца — можна жыць. Але чаму Лукашэнка не прызначае новага?

Ігара Сергеенку вынулі з пасады кіраўніка АП яшчэ ў лютым 2024 года. Тэхнічна ён ужо не толькі адгуляў паложаны адпачынак (які патраціў на агітацыйную дзейнасць перад выбарамі), але і афіцыйна працаўладкаваны ў новай арганізацыі — старшынёй Палаты прадстаўнікоў. Цяпер Лукашэнка жыве без кіраўніка сваёй адміністрацыі. Чаго чакае?

Ігар Сергеенка

Адміністрацыя Лукашэнкі адказвае за кадравыя пытанні ў цывільнай частцы сістэмы, а таксама за кантроль выканання яго даручэнняў.

Папярэдні кіраўнік, кэдэбіст Ігар Сергеенка, дапамог Лукашэнку перажыць складаны пачатак 2020-х і атрымаў прызначэнне на менш напружную, але таксама адказную работу ў Палату прадстаўнікоў, на восьмым скліканні якой Лукашэнка ўжо не той падцягнуты і малады палітык, якім быў падчас першага.

Фармальна сістэма жыве без начальніка Адміністрацыі Лукашэнкі з 22 сакавіка (калі Сергеенка ўступіў у новую пасаду), а фактычна нашмат даўжэй. 

Чаму Лукашэнка не прызначае новага?

«Наша Ніва» раней называла імёны верагодных пераемнікаў: Топ-4 кандыдаты ў новыя кіраўнікі Адміністрацыі Лукашэнкі пасля сыходу Сергеенкі

За гэты час часцей за ўсё з'яўляецца побач з Лукашэнкам Максім Рыжанкоў. Гэта ён цяпер адказвае за кадры. 

«Пры разглядзе кадравых пытанняў Лукашэнка звярнуўся да першага намесніка кіраўніка Адміністрацыі Максіма Рыжанкова, які прадстаўляў кандыдатаў на пасады кіраўнікоў мясцовай вертыкалі […]», — цытуе Лукашэнку БелТА. 

У іншым месцы Рыжанкоў ужо адказны за прамысловасць і строга глядзіць на кіраўніка БелАЗа. 

У іншым — займае сваё месца сярод іншых роўных, пакуль менш статусныя прадстаўнікі рэжыму разбітыя ў сваіх групках. 

Некалькі нашых інфармаваных мінскіх суразмоўцаў лічаць, што актыўнасць Рыжанкова ў розных сферах тлумачыцца тым, што Лукашэнка яго тэсціруе.

«Калі не ведаеш, каго прызначаць — прызначай першага намесніка. Гістарычная формула прыняцця складаных кадравых рашэнняў у беларускай дзяржаве, калі за кандыдатур збоку няма «хадакоў», — выказаўся адзін з нашых суразмоўцаў. — А ў справе прызначэння кіраўніка сваёй Адміністрацыі ніхто Лукашэнку «сваёй» кандыдатуры не падкажа, вырашае ён сам.

Думаю, прыглядаецца, як спраўляецца Рыжанкоў, каб быць спакойным, што прыняў правільнае рашэнне», — кажа былы чыноўнік.

Максім Рыжанкоў

«Думаю, некалькім людзям адначасова было сказана «ты можаш быць наступным, праяві сябе». І вось Лукашэнка глядзіць, як яны з запаленымі вачыма бегаюць і спрабуюць прадэманстраваць нейкі поспех. Думаю, ён бы таемна хацеў, каб яны заўсёды так «рвалі».

Але зноў жа, у «складаныя» часы Лукашэнка больш схільны давяраць людзям у пагонах, а Рыжанкоў добры і на пазіцыі першага намесніка.

Таму я б не сказаў, што Рыжанкову гэтая пасада гарантаваная. З іншага боку, знайсці новага Сергеенку сярод людзей у пагонах цяпер няпроста, сімуляцыя працы іх сапсавала», — дадае іншы чыноўнік. 

Каментары12

  • даведка
    25.03.2024
    Константин Бычек контролирует единогласное избрание Игоря Сергеенко. https://i.ibb.co/3CfQ6VS/palata-KGB.png
  • даведка
    25.03.2024
    Наталья Кочанова может стать и.о. президента, но президентом станет всё-таки не она, а чекист Сергеенко.
    И для Лукашенко плохой звоночек, что во всех сельских, районных, областных советах депутатов единогласно голосовали за избрание их председателей даже сами будущие председатели. Если депутаты нижней палаты парламента единогласно поддержали генерала КГБ Игоря Сергеенко, то ничто им не помешает в следующий раз так же единогласно проголосовать за импичмент и развенчание культа личности Лукашенко.
  • ч
    25.03.2024
    Навошта кагосьці прызначаць, калі маскалі кіруюць краінай.

У Беларусі змянілі правілы абмену валют. Тры галоўныя новаўвядзенні

У Беларусі змянілі правілы абмену валют. Тры галоўныя новаўвядзенні

Усе навіны →
Усе навіны

Панядзелак стаў самым гарачым днём у гісторыі назіранняў

«Востраў чысціні» канчаткова ліквідуецца1

Былую жонку спевака Руслана Мусвідаса таксама судзілі за пратэсты

Палітвязень Дзяніс Івашын прыслаў бацькам парады, як перажыць спёку: Ніякіх выхадаў у цяпліцу

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў12

Ілан Маск заявіў, што згубіў сына з-за блакатараў палавога выспявання24

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

больш чытаных навін
больш лайканых навін

У Беларусі змянілі правілы абмену валют. Тры галоўныя новаўвядзенні

У Беларусі змянілі правілы абмену валют. Тры галоўныя новаўвядзенні

Галоўнае
Усе навіны →