Грамадства44

Стала вядома, колькі зарабляе кіраўнік адміністрацыі Лукашэнкі

Кіраўнік адміністрацыі Лукашэнкі Ігар Сергеенка цяпер балатуецца ў дэпутаты Палаты прадстаўнікоў у Паставах. З гэтай нагоды ён падаў даныя аб даходах і маёмасці, якую надрукавала газета «Витебские вести» ў нумары за 2 лютага, піша «Люстэрка». З гэтай дэкларацыі можна даведацца, які на гэтай высокай пасадзе афіцыйны заробак.

Ігар Сергеенка. Фота: БелТА

Кандыдаты ў дэпутаты даюць справаздачу за даходы 2022 года (падатковыя дэкларацыі за мінулы год будуць падавацца ў сакавіку).

У дэкларацыі аб даходах і маёмасці Ігара Сергеенкі за 2022 год значыцца кватэра ў Мінску плошчай 101,6 кв.м, а таксама даход у памеры 172 503 рублёў. З іх 44 553 рублі — ад продажу зямельнага ўчастка.

Згодна з артыкулам 17 закона «Аб барацьбе з карупцыяй», дзяржслужачыя не маюць права працаваць на іншых аплатных пасадах (выключэнне — навуковая, педагагічная, культурная, творчая і медыцынская дзейнасць). А значыць, калі з названай сумы адняць даход ад продажу ўчастка, то рэшта і ёсць гадавы заробак чыноўніка.

У 2022 годзе ён быў роўны 127 950 рублям (паводле тагачаснага курсу каля 48 835 даляраў), ці 10 663 рублям (каля 4070 даляраў) у месяц. Для параўнання, сярэдні налічаны заробак у Беларусі за 2022 год склаў 1631 рубель (каля 622 даляраў), а пасля вылічэння падаткаў на рукі атрымлівалася каля 1403 рублёў (каля 535 даляраў).

Выходзіць, што ў 2022 годзе топавы чыноўнік зарабляў у 7,6 разу больш, чым сярэдні беларус.

Сергеенка займае пасаду кіраўніка адміністрацыі Лукашэнкі з 2019 года. Да гэтага ён працаваў першым намеснікам старшыні КДБ. У выпадку абрання дэпутатам Сергеенка павінен будзе пакінуць адміністрацыю.

Каментары4

  • Легітымнае Пытанне
    13.02.2024
    Ад гранта-лягеру пакуль мы ведаем толькі, што Стрыжак зарабляе 3000 еўра (з бутэлькамі, напэўна, дзесьці 3015 еўра) на месяц.
    Дэклярацыі Ціханоўскай, Вячоркі, Латушкі, Дабравольскага і іншых будуць калісьці?
  • сэм
    13.02.2024
    7 разоў па пітсот.
  • даведка
    14.02.2024
    Сергеенко генерал на пенсии, поэтому часть в его доходах, вероятно, занимает военная пенсия из кассы КГБ.

Байдэн выходзіць з прэзідэнцкай гонкі43

Байдэн выходзіць з прэзідэнцкай гонкі

Усе навіны →
Усе навіны

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці2

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

больш чытаных навін
больш лайканых навін

Байдэн выходзіць з прэзідэнцкай гонкі43

Байдэн выходзіць з прэзідэнцкай гонкі

Галоўнае
Усе навіны →