Грамадства1616

У Літве зноў прапанавалі закрыць яшчэ два памежныя пункты на мяжы з Беларуссю

Калі іх закрыюць, то пунктаў, што працуюць, застанецца ўсяго два. Яшчэ ў ліпені іх было шэсць.

Пункт пропуску «Лаварышкі» (з беларускага боку «Катлоўка»). Фота: news.transinfo.by

Літоўская Камісія па нацыянальнай бяспецы прапануе спыніць рух тавараў, транспарту і людзей праз памежныя пункты пропуску Лаварышкі («Катлоўка» на беларускім баку) і Райгард («Прывалка» ля Гродна), паведамляе LRT.

Таксама «ўлічваючы рызыкі, звязаныя з транзітнымі патокамі праз Літву з Беларусі і дзейнасцю беларускіх спецслужбаў супраць літоўскай дзяржавы», камісія ў аўторак прапануе паступова скараціць колькасць дазволаў, якія выдаюцца беларускім і літоўскім перавозчыкам, якія ажыццяўляюць рэгулярныя перавозкі, міжнародныя пасажырскія перавозкі аўтобусамі.

Яшчэ адна прапанова — абмежаваць пасадку і высадку пасажыраў на чыгуначным памежным пункце Кяна (цягнікі Мінск — Вільня ўжо амаль чатыры гады як не курсуюць — НН), спыніць рух пешаходаў і веласіпедыстаў праз дзяржаўную мяжу паміж Беларуссю і Літвой. Аналагічная прапанова датычыцца і чыгуначнай станцыі Кібартай (Чарнышэўскае), што на мяжы Літвы з Калінінградскай вобласцю Расіі.

«За апошні час паток беларускіх грамадзян павялічыўся прыкладна на 50% на ўсіх пунктах пропуску, размешчаных уздоўж мяжы з беларускімі дарогамі. Паколькі патокі транспарту, тавараў і людзей павялічваюцца, неабходна аптымізаваць працэс кіравання гэтымі патокамі і больш дэталёва правяраць людзей, транспартныя сродкі і тавары», — лічыць кіраўнік Нацыянальнага цэнтра крызіснага ўпраўлення Вілмантас Віткаўскас.

Рашэнне аб закрыцці пагранічных пунктаў павінен прыняць урад Літвы.

У выпадку прыняцця рашэнняў скароцяцца транспартныя і пасажырапатокі, якія праходзяць праз Літву, а таксама знізяцца магчымасці дзейнасці беларускіх і расійскіх спецслужбаў і службаў бяспекі супраць Літвы, мяркуе афіцыйная Вільня.

Чакаецца таксама, што будзе больш эфектыўна прадухіляцца ўвоз санкцыйных тавараў у Беларусь і Расію, больш эфектыўна будзе ажыццяўляцца прафілактыка і прадухіленне кантрабанды, больш эфектыўна будзе ахоўвацца знешняя мяжа Шэнгенскай зоны.

Летась на аўтамабільных памежных пунктах пропуску праз дзяржаўную мяжу з Беларуссю асоб праверылі 3,9 мільёна разоў — на 25,5% больш, чым у 2022 годзе. 66% сярод правераных асоб былі грамадзянамі Беларусі.

Грамадзяне Літвы перасеклі мяжу 684 тысяч разоў — на 13,4% менш, чым у 2022 годзе, колькасць унікальных асоб летась дасягнула амаль 62 тысяч і знізілася на 17,5%.

У жніўні мінулага года Літва закрыла два з шасці пунктаў пропуску на мяжы з Беларуссю — «Шумск» («Лоша» з беларускага боку) і «Цверач» («Відзы»).

Міністр унутраных спраў Агне Білатайтэ тады заявіла, што міністэрства прапануе закрыць яшчэ два — «Лаварышкі» і «Райгард», аднак пытанне было адкладзена. Калі іх закрыюць, то застануцца пагранпераходы: «Меднікі» («Каменны Лог») і «Салечнікі» («Беняконі»).

Каментары16

  • Иван.
    06.02.2024
    Закрывалы, литовцы побоятся это сделать, сразу же получат по шапке. Они только могут над обычными беларусами поиздеватся. Честно я не люблю ни литву ни латвию. Так себе страны.
  • Интэресно
    06.02.2024
    Интэрэсно как это повлияет на лукащэнку и его режим? Наверное в Литву лукашенко автобусом ездит..рука-лицо
  • Жора
    06.02.2024
    Дзе гучны пратэст Офіса Ціханоўскай і персанальна Ціханоўскай у адказ на гэтую бздуру?

    Можа яна дэманстратыўна пакіне Вільню і перабазуецца ў Варшаву?

    Можа зробіць нешта дзеля абароны інтарэсаў беларусаў?

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Усе навіны →
Усе навіны

МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка10

У Мінску скардзяцца на затрымку выдачы пашпартоў. У чым прычына?7

«На першым допыце я расказаў усё, што ведаў». Стрыжак пра тое, як у 16 гадоў падставіў актывістку10

Чаму так шмат маладых хварэе на рак?5

Стала вядома, як пакаралі беларуса, які адрэзаў вушы сабаку3

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда3

Сайт «Белсата» перайшоў на мінімальны рэжым працы4

Дырэктарка Сакрэтнай службы ЗША пасля замаху на Трампа пайшла ў адстаўку6

Стала вядома пра арышт гісторыка Ігара Мельнікава21

больш чытаных навін
больш лайканых навін

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды

Галоўнае
Усе навіны →