Каханне і сэкс88

Замест жаніха ў ЗАГС прыйшла міліцыя: дзяўчына хацела выязную рэгістрацыю шлюбу, але ледзь не атрымала адміністратыўку

У Бярэзіне жаніх з нявестай планавалі зладзіць прыгожае вяселле ў сядзібе, якая знаходзіцца за некалькі кіламетраў ад горада. Дзяўчына пайшла ў мясцовы ЗАГС дамовіцца, каб на месца вяселля прыехаў супрацоўнік, які і зарэгіструе шлюб. Нечакана гісторыя скончылася выклікам міліцыі, а нявеста цудам пазбегла адміністратыўкі за хуліганства.

Юлія Грузд. Фота з яе інстаграма

Пра канфлікт, які працягваецца з мінулага лета, распавяла ў тыктоку тая самая нявеста — блогерка пад нікам juli_j5 (яе сапраўднае імя Юлія Грузд).

− Я падала заяву на выязны роспіс. Яна працуе вельмі даўно (дзяўчына мае на ўвазе начальніцу Бярэзінскага ЗАГСа Наталлю Белавус, якая і праводзіць рэгістрацыю шлюбаў — «НН»). Я сама некалі працавала ў выканкаме. Вельмі шмат супрацоўнікаў да яе ўладкоўваліся, але звальняліся, бо з ёй немагчыма працаваць. Яна іх выжывала. Дык вось, супрацоўнік ЗАГСа можа выехаць, а можа не выехаць на рэгістрацыю − па жаданні.

@juli_j5 Я пришла узнать почему я не получила свой ответ письменный об отказе выездной регистрации! #законибеспорядок#беларусь #законы ♬ оригинальный звук - Juli-j5

Начальніца адмовіла нявесце, а тая папрасіла даць ёй адмову пісьмова. Калі прайшоў вызначаны законам тэрмін на пісьмовы адказ, Юлія зноў прыйшла ў ЗАГС. Але скончылася ўсё канфліктам: загадчыца пачала выганяць нявесту са свайго кабінета і нават паспрабавала выбіць тэлефон у яе з рук. Дзяўчына адмовілася сысці, тады Наталля Белавус выклікала нарад міліцыі.

@juli_j5 Это продолжение! #законибеспорядок #новостибеларуси ♬ оригинальный звук - Juli-j5

Далей жанчыны высвятлялі адносіны ўжо ў кампаніі сілавікоў. Белавус сцвярджала, што нявеста ўварвалася ў яе кабінет, калі там былі іншыя людзі, і стала парушаць грамадскі парадак.

Міліцыянеры праглядзелі відэа з камер назірання, а таксама відэа з тэлефона Юліі (дарэчы, на адным з іх відаць, што камеру ў сваім кабінеце Белавус уключыла толькі ў сярэдзіне канфлікту). У выніку абедзвюх жанчын адпусцілі.

− Я вельмі правільна зрабіла, што ўключыла камеру. Бо калі б не было майго відэазапісу, на мяне б павесілі дробнае хуліганства, парушэнне грамадскага парадку.

Але ўжо шмат месяцаў Юлія спрабуе знайсці праўду. Яна дайшла да старшыні выканкама, напісала заяву ў пракуратуру Бярэзінскага раёна, генпракуратуру, у Міністэрства юстыцыі і нават у адміністрацыю Лукашэнкі. Але адказ усюды адзін: пакараць начальніцу ЗАГСа няма за што.

@juli_j5 История ЗАГСА!!! #законибеспорядок #новостибеларуси ♬ оригинальный звук - Juli-j5

Сваю эпапею блогерка распавяла ў чатырох відэа ў тыктоку, якія набралі ад 75 тысяч да амаль мільёна праглядаў. Меркаванні каментатараў падзяліліся: адны ўпэўненыя, што праблема высмактаная з пальца, і раяць партнёру Юліі ўцякаць ад яе як мага далей. Іншыя падтрымліваюць дзяўчыну і лічаць, што, калі ўсе беларусы не будуць адстойваць свае правы, то з імі працягнуць таксама па-хамску размаўляюць у дзяржаўных установах.

Калі вы хвалюецеся за асабістае жыццё блогеркі, то вяселле Юліі ўсё ж адбылося.

Наталля Белавус. Фота з сайту berezino.by

А вось адмова Наталлі Белавус выглядае цікава з улікам таго, што ў 2022 годзе яна ў інтэрв'ю «Бярэзінскай панараме» расказвала, як любіць менавіта выязныя цырымоніі:

− Больш за ўсё запомніліся мне выязныя рэгістрацыі шлюбаў, якія праходзілі ў Мінску, гэта зялёная зона рэстарана «Новы Нясвіж», дзе пара прадумала ўсё да самых драбнюткіх дэталяў, усё было аформлена кампазіцыямі з жывых кветак, была жывая музыка ў выкананні струннага квартэта, а таксама вяселле, якое праходзіла ў «Мінск-Арэне». Тады ўсё гэта для мяне было незвычайна, сама атмасфера была вельмі велічная.

Каментары8

  • Мопсі
    03.02.2024
    Чалавек, які сядзіць побач з такім партрэтам ніякім другім, акрамя быдла быць і не можа. Як і іх гаспадар
  • Звыклы халасцяк
    03.02.2024
    Дзяўчына - малайчына, кемлівая і спрытная, толькі з такой і можна ажаніцца каб жыць ў нашым краі! Бо з астатніх гэтыя чыноўніцы робяць звычайныя анучы для мыцця падлог, нажаль...
  • Юрист-педагог
    03.02.2024
    Надо было еще и книгу замечаний и предложений попросить сразу как только эта "белоус" начала телефон вырывать. А в случае невыдачи книги по первому требованию административку уже можно было и на чинушу заводить, так как при наличии записи телефонной отвертеться от ответственности у неё уже бы не получилось!

«Пазваніў міністр: Анжаліка, куды ты лезеш?» Былая топ «Кока-Колы» расказвае, як стала спікеркай Каардынацыйнай рады19

«Пазваніў міністр: Анжаліка, куды ты лезеш?» Былая топ «Кока-Колы» расказвае, як стала спікеркай Каардынацыйнай рады

Усе навіны →
Усе навіны

ЗША і Германія сарвалі план Расіі забіць гендырэктара нямецкай кампаніі, якая пастаўляе зброю Украіне7

Сілавікі затрымалі берасцейца за ролік у тыктоку. Ён зняў даішніка і назваў яго «чык-чырыкам»3

Прыдыбайла заклікаў «замарудзіць ютуб», бо ў рэкамендацыях у яго відэа Шрайбмана і Мелказёрава6

Беларусаў замежжа абавяжуць паведамляць пра шлюб і нараджэнне дзяцей. А якое пакаранне тым, хто праігнаруе?18

«Камунарка» імпартазамясціць шакалад для глазураваных сыркоў і марозіва7

У Мазыры за «распаўсюд экстрэмізму» пакаралі галоўную рэдактарку газеты НПЗ3

Атрымаць пасылку на пошце зараз можна будзе без дакументаў1

Мінскі завод вінаў адказаў Расіі на «шмурдзяк» — пастаўкі віна ў РФ спыняюцца18

Карл III звярнуўся да зборнай Англіі з незвычайнай просьбай3

больш чытаных навін
больш лайканых навін

«Пазваніў міністр: Анжаліка, куды ты лезеш?» Былая топ «Кока-Колы» расказвае, як стала спікеркай Каардынацыйнай рады19

«Пазваніў міністр: Анжаліка, куды ты лезеш?» Былая топ «Кока-Колы» расказвае, як стала спікеркай Каардынацыйнай рады

Галоўнае
Усе навіны →