Пра спыненне дзейнасці ашуканскіх кол-цэнтраў справаздачыўся СК. СК удакладняе, што зроблена гэта было з «выкарыстаннем тэхналогій МУС Расійскай Федэрацыі». Затрыманы шэраг асоб, якія, паводле сілавікоў, маюць дачыненне да дзейнасці міжнароднай арганізаванай злачыннай групы з офісамі ў Мінску і Маскве.
![](http://d3kcf2pe5t7rrb.cloudfront.net/img/w732d4webp1/photos/z_2024_02/-1v31t.png.webp)
Па даных СК, з лютага 2020 па студзень бягучага года зламыснікі ажыццяўлялі «халодныя званкі» і прапаноўвалі грамадзянам розных краін, у тым ліку Беларусі, сваё садзейнічанне ў атрыманні высокага заробку на анлайн-інвестыцыях, абяцаючы гарантаваны даход і наступную яго выплату.
![](http://d3kcf2pe5t7rrb.cloudfront.net/img/w732d4webp1/photos/z_2024_02/2-idkq3.png.webp)
Пры гэтым прапанаваныя грамадзянам інтэрнэт-рэсурсы зʼяўляліся «фэйкавымі».
![](http://d3kcf2pe5t7rrb.cloudfront.net/img/w732d4webp1/photos/z_2024_02/3-h23zd.png.webp)
Пры пераводзе пацярпелымі грашовых сродкаў на пляцоўку, зламыснікі сродкі выкрадалі, стваралі бачнасць даходу, а пры спробе вываду прыбытку пераставалі выходзіць на сувязь.
Каментары
Ці проста нехта з сям'і чыноўнікаў ці мянтоў пацярпеў нарэшце?