Грамадства55

У касцёле ў Ляхавічах адключылі звонавыя мелодыі. Так запатрабавалі дзяржорганы

Гэта адбылося пасля кампаніі па скаргах на касцёл у Ляхавічах. Вернікі спрабавалі даказаць, што не парушаюць закон.

Парафіяне касцёла Святога Юзафа ў Ляхавічах даведаліся, што ў храме давялося адключыць прайграванне мелодый новай сістэмы электронных званоў, піша katolik.life.

Вернікам не паведамлялі, які канкрэтна дзяржаўны орган настаяў на такім рашэнні, аднак вядома, што пасля атрымання скаргаў на «шум» ад званоў гэтым пытаннем займаліся раённыя пракуратура, цэнтр гігіены і эпідэміялогіі, а таксама райвыканкам.

Нагадаем, кампанію супраць званоў касцёла ініцыявалі трое мясцовых жыхароў.

Як распавялі ў парафіі, цяпер сістэма прайграе толькі бой званоў а 12-й гадзіне і перад святой імшой. Абедзве мелодыі, якія пачыналі і завяршалі дзень, давялося адключыць — нягледзячы на тое, што ў лісце ў пракуратуру вернікі паведамлялі пра абмежаванне сваіх правоў і даказвалі, што не парушаюць закон, у якім прапісаны нарматыў шуму.

Аднак, хоць паводле закона і не абавязаны былі гэта рабіць, у парафіі пайшлі насустрач і адключылі мелодыі.

У прыватнасці горад застаўся без вячэрняй звонавай мелодыі вядомай песні-малітвы «Паненцы на дабранач». Гэта зварот да Божай Маці з просьбай аб дабраслаўленні на надыходзячую ноч. У песні ёсць, напрыклад, такія словы: «Клопат твой рассейвае начны змрок. Усыплёным вёскам, закалыханым гарадам, Паненка, падары шчаслівую, добрую ноч!»

У парафіі дадалі, што не спыняюць малітву аб магчымасці гучання над горадам бою званоў і мелодый, а таксама аб навяртанні да Бога тых, хто скардзіўся на касцёл.

Каментары5

  • Апостал
    22.01.2024
    Званы перашкаджаюць толькі д'яблам
  • ХалуіПрамаскоўскія
    22.01.2024
    “Па прозьбе ветэранаў” — з гэтага жанру.
  • Так і запішам
    23.01.2024
    Лукашэнкаўскія дзяржорганы забаранілі зварот да Божай Маці з просьбай аб дабраслаўленні на надыходзячую ноч.

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Усе навіны →
Усе навіны

Рыжанкоў прыляцеў у КНДР

КНДР зноў запусціла шары са смеццем на поўдзень. Адзін з іх упаў ля рэзідэнцыі прэзідэнта Паўднёвай Карэі

Што адбываецца ў Палку Каліноўскага і чаму байцы кажуць пра яго магчымае знікненне?30

Харыс апярэджвае Трампа: 44% супраць 42% — першае апытанне пасля зняцця Байдэна27

Экс-расіянка павінна несці сцяг Кіпра на адкрыцці Алімпіяды. Але ў яе знайшлі OnlyFans, і пачаўся скандал16

У Мінску з'явілася вуліца «Червекова» — на адным з дамоў павесілі таблічкі з памылкай ФОТАФАКТ8

У Кіеўскім універсітэце адновяць вывучэнне беларускай мовы12

МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка11

У Мінску скардзяцца на затрымку выдачы пашпартоў. У чым прычына?7

больш чытаных навін
больш лайканых навін

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»

Галоўнае
Усе навіны →