Ад рэдакцыі66

Людзі года па версіі «Нашай Нівы» — гурт Tor Band

Рагачоўскаму гурту, чые песні былі народнымі хітамі ў 2020-м, сёлета вынеслі жахлівыя прысуды. Як напамін, што падзеі трохгадовай даўніны дагэтуль не забытыя.

Кліпы Tor Band сабралі мільёны праглядаў. Аўтарытэтны музычны крытык Арцемій Троіцкі называў песні Tor Band самай яскравай з'явай у беларускай музыцы 2020 года.

Іх песні настолькі шырока разышліся, што нават прыхільнікі Лукашэнкі запісвалі пад іх свае тыктокі.

Пасля таго, як песні гурта зʼяўляліся ў інтэрнэце, музыкам званілі рагачоўскія чыноўнікі і прасілі не спяваць іх.

«Яны хацелі, каб Рагачоў ні ў якіх СМІ і песнях не фігураваў. Была адна фраза: «Мы хочам, каб у Рагачове было ціха», — казаў Дзмітрый Галавач.

Музыкі заставаліся ў Беларусі. Але за творчасць ім улады адпомсцілі.

Музыкаў затрымалі ў кастрычніку 2022 года. У студзені 2023 года стала вядома, што Tor Band прызнаны экстрэмісцкім фармаваннем. На музыкаў завялі крымінальныя справы — распальванне сацыяльнай варажнечы, стварэнне экстрэмісцкага фармавання, дыскрэдытацыя Беларусі, абраза Аляксандра Лукашэнкі…

У выніку Дзмітрыю Галавачу прысудзілі 9 гадоў узмоцненага рэжыму, Яўгену Бурло — 8 гадоў, Андрэю Ярэмчыку — 7,5 года. Яўген Бурло быў на мыліцах, ён з цяжкасцю перасоўваецца.

Такіх жорсткіх прысудаў за музыку Беларусь яшчэ не бачыла.

Калі «Байсол» абвесціў збор у падтрымку музыкаў, беларусы менш чым за дзень сабралі неабходную суму — 9 тысяч еўра. У выніку для музыкаў заданацілі больш за 14 тысяч еўра.

Гэтым выбарам людзей года мы выказваем салідарнасць з тымі, хто застаецца ў Беларусі, хто натхняе сваёй творчасцю, хто трапіў за кратамі за свае перакананні.

«Мы не быдло, не стадо, не трусы,
Мы живой народ, мы беларусы».

Гэтыя радкі яшчэ доўга будуць гучаць у нашых думках.

***

Хто быў чалавекам года «Нашай Нівы» ў папярэднія гады:

2022 — рэйкавыя партызаны Дзмітрый Клімаў, Уладзімір Аўрамцаў і Яўген Мінкевіч

2021 — Дар'я Лосік

2020 — Святлана Ціханоўская

2019 — Павел і Ганна Севярынцы

2018 — Марына Золатава

2017 — Павел Калаўр

2016 — Кацярына Сінюк

2015 — Святлана Алексіевіч

2014 — Франак Вячорка і іншыя папулярызатары вышыванкі

2013 — беларускамоўныя дзеці

2012 — Аляксей Бацюкоў, Зміцер Яцкевіч, Андрэй Радкоў (за вяртанне ў краіну Статута Вялікага Княства Літоўскага)

2011 — Сяргей Міхалок

2010 — Мікалай Казлоў

2009 — Наталка Васілевіч і іншыя дабрачынцы

2008 — Віктар Ганчарэнка

2007 — «маладафронтавец»

2006 — чалавек Плошчы

Каментары6

  • Брэст сіла
    22.12.2023
    Героі Беларусі, добры выбар
  • Anioły i Demony
    22.12.2023
    Краіна згубленых магчымасьцяў, так дакладней. Ну нічэво - кожны дзед знойдзе сабе снягурачку і зажывуць... у лесе))) а то "грыбочкі" як у 1986 прыйдуць
  • Ой ня тую вы прэмію анэнсавалі...
    22.12.2023
    Трэба было - нелюдзі ўхадзяшчава года. Ці тамака - Ваўкалак ці Вурдалак году. А то чарговых герояў сабе намалююць а з кім ваюем у трыццацігадовай вайне неяк забыліся. Да і якая розьніца сколькі ў нас герояў? Пытаньне простае - дзе адшукаць герояў прам на мяжы ЕС еўрабляхі на транспарт анансаваць?

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?13

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск31

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?13

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →