Тэракт у метро, забойства жонкі з каханкам, даміно на жыццё. За што ў Беларусі прысуджалі да расстрэлу
У Слуцку цяпер судзяць Аляксандра Таратуту і яго жонку, якія жорстка забілі трохгадовага сына. Сведкам у зале становіцца блага ад пачутага. Пракурорка просіць расстраляць мужчыну, а яго жонку адправіць на 25 гадоў за краты. Як паказвае практыка, хутчэй за ўсё, Таратуту расстраляюць. Згадваем, каму раней выносілі смяротныя прысуды.
Беларусь — адзіная краіна ў Еўропе, дзе дагэтуль ёсць смяротнае пакаранне. За гады незалежнасці было вынесена больш за 400 смяротных прысудаў. У 2003-м адзін расстрэльны вырак быў заменены на 15 гадоў зняволення Дзмітрыю Хархалю.
Толькі два смяротнікі, 19-гадовы Станіслаў і 21-гадовы Ілья Косцевы, былі ў 2021-м памілаваныя Лукашэнкам. Хлопцаў годам раней асудзілі на смерць за забойства настаўніцы.
2011 год. Тэракт у метро
Афіцыйна асуджаных расстралялі ў сакавіку 2012 года (але, згодна са звесткамі «Кіберпартызанаў», Кавалёў сканаў у маі).
2013 год. Даміно, рэўнасць, крыўды
25 красавіка 2013 года Магілёўскі абласны суд прыгаварыў 45-гадовага Рыгора Юзапчука да смяротнага пакарання за забойства сукамерніка.
Шматразова судзімы Рыгор Юзапчук у магілёўскай турме №4 гуляў з двума сукамернікамі ў даміно на жыццё. Пасля гульні ён задушыў мужчыну, што прайграў. Яго ахвяра, сірата і дзетдомавец, Ігар Хадакоў быў асуджаны на 18 гадоў за тое, што падчас сваркі забіў роднага дзядзьку, які даглядаў яго.
Пра выкананне смяротнага прысуду стала вядома ў маі 2014 года.
Студэнта гістфака БДУ прызналі вінаватым у забойстве жонкі і яе каханка, учыненым з асаблівай жорсткасцю. Павел парэзаў на кавалкі цела мужчыны і выкінуў у сметніцу побач з домам. А праз пару дзён забраў з кватэры дакументы і… галаву жончынага каханка.
26 лістапада 2013 года Мінскі абласны суд прыгаварыў да расстрэлу 53-гадовага грамадзяніна Расіі Эдуарда Лыкава.
Пра тое, што Лыкава расстралялі, праваабаронцы даведаліся ў снежні 2013 года.
25-гадовага Аляксандра Грунова расстралялі за забойства з асаблівай жорсткасцю гомельскай студэнткі Наталлі Емяльянчыкавай. 20 верасня 2012-га з-за крыўды Груноў нанёс дзяўчыне не менш за 102 нажавыя раненні, ад чаго тая памерла на месцы.
Справа Грунова разглядалася двойчы. Першы смяротны вырак Гомельскага абласнога суда Вярхоўны суд адмяніў, накіраваўшы справу на перагляд. Але 24 снежня 2013-га быў вынесены той жа прысуд.
2015 год. Забойствы жанчын
18 сакавіка 2015 года суд Рэчыцкага раёна вынес выключную меру пакарання 21-гадоваму жыхару Рэчыцы Сяргею Іванову за жорсткае забойства 19-гадовай дзяўчыны.
Іваноў быў тройчы судзімым за хуліганства і рабаванні. Апошні раз вызваліўся ў лютым 2013 года.
28-гадовага Івана Куляша да пакарання смерцю асудзілі за забойства трох жанчын, крадзеж і разбой.
У верасні 2013 года Кулеш забіў двух прадаўцоў у Лідзе і скраў з крамы грошы і тавары больш чым на 37 млн рублёў. У лістападзе 2014 года забіў яшчэ адну крамніцу ў Лідскім раёне: нанёс жанчыне больш за 10 удараў сякерай і абакраў магазін. Акрамя таго, Куляша прызналі вінаватым у замаху на забойства сына крамніцы, які застаў яго ў краме.
2016 год. Зарэзаў сабутэльнікаў і падпаліў дом
5 студзеня 2016 года Мінскі абласны суд прыгаварыў да расстрэлу 49-гадовага Генадзя Якавіцкага.
Яго прызналі вінаватым у забойстве з асаблівай жорсткасцю сужыцелькі. Мужчына нанёс ёй 46 удараў кулаком. Якавіцкі быў неаднаразова судзімы.
29 лістапада 2016 года каардынатар кампаніі «Праваабаронцы супраць смяротнага пакарання» Андрэй Палуда даведаўся аб расстрэле 31-гадовага Сяргея Хмялеўскага.
Падчас застолля Хмялеўскі зарэзаў мужчыну і жанчыну, а затым, каб схаваць злачынства, падпаліў дом. Збягаючы, ён сустрэў іншага жыхара вёскі і з-за страху быць апазнаным штурхнуў мужчыну ў бетонную яму. Той пры падзенні атрымаў цяжкія траўмы і памёр у бальніцы.
Мужчына быў неаднаразова судзімы за крадзяжы, разбоі, хуліганства, наўмыснае прычыненне цяжкіх цялесных пашкоджанняў.
29 красавіка 2017 года Гомельскі абласны суд атрымаў дакументы аб расстрэле Вострыкава.
Вырак Гомельскі абласны суд вынес 28 снежня 2016 года, у канцы кастрычніка 2017-га мужчыну расстралялі.
2017 год. «Чорныя рыэлтары» і разборкі ў камеры
Той у Нароўлі забіў 59-гадовага пенсіянера і яго 61-гадовую сястру.
Расстраляны быў фігурант «справы чорных рыэлтараў» Ігар Гершанкоў.
Яго абвінавацілі ў забойствах, выкраданні чалавека, махлярстве, разбоі, вымаганні, незаконным абарачэнні наркотыкаў або псіхатропаў.
Такі ж лёс чакаў і іншага фігуранта «справы чорных рыэлтараў» Сямёна Беражнога.
Да расстрэлу ў верасні 2017 года за забойства сукамерніка ў глыбоцкай калоніі №13 быў асуджаны 30-гадовы Віктар Лётаў.
На судзе Лётаў прызнаў віну, пацвердзіў, што забойствы планаваў загадзя і папрасіў для сябе расстрэл. Прысуд не абскарджваў.
2018 год. Правучыць суперніцу
21 студзеня 2018 года Мінскі гарадскі суд прыгаварыў Вячаслава Сухарку і Аляксандра Жыльнікава за забойства трох чалавек да выключнай меры пакарання.
Спачатку мужчынам прысудзілі пажыццёвае зняволенне, але Вярхоўны суд пастанавіў перагледзець справу. На паўторным працэсе іх асудзілі да расстрэлу.
2019 год. Забойствы немаўляці і маладых дзяўчат
30 ліпеня 2019 года Віцебскі абласны суд прыгаварыў да расстрэлу 50-гадовага Віктара Паўлава.
Абвінавачаны прызнаўся ў злачынстве і прасіў пакінуць яму жыццё. Паводле праваабаронцаў, Паўлаў быў расстраляны 13 мая 2021 года, а яго сваякі атрымалі дакументы толькі ў лістападзе 2021 года.
17 снежня 2019 года мужчына быў расстраляны.
2020 год. Паляванне на пенсіянераў
6 сакавіка 2020 года Мінскі абласны суд прыгаварыў да расстрэлу 29-гадовага Віктара Скрундзіка.
Скрундзік забіў двух пенсіянераў, а пасля напаў яшчэ на адну пажылую жанчыну, але яна выжыла.
***
На смяротнае пакаранне звычайна асуджаюць у Беларусі за забойства пры абцяжарвальных абставінах. Такая найвышэйшая мера пакарання ёсць толькі для мужчын.
Пад расстрэл могуць трапіць чыноўнікі і вайскоўцы, калі іх абвінавацяць у здрадзе дзяржаве.
«Наша Нiва» — бастыён беларушчыны
ПАДТРЫМАЦЬЦерцель: З пачатку года КДБ затрымаў больш за 10 здраднікаў
«Пасля гэтых забойстваў усіх старых, хто адзін жыў, дзеці пазабіралі. Страшна»
«Яна пагражала мне фізічна, нападала сэксуальна». Аляксандр Рыбак скардзіцца на сталкерку3
Каментары
Нават у ЗША смяротнае пакаранне ўжываецца далёка не ва ўсіх штатах, толькі за забойствы з ацягчаючымі абставінамі, не да ўсіх асобаў, а выкананне смяротнага прысуду ажыццяўляецца праз шмат гадоў з мэтай мінімізацыі судовай памылкі, што дало шматлікім асуджаным дадатковы час на доказ уласнай нявінаватасці, дазволіла вызваліцца і рэабілітавацца. СП застаецца прадметам вострай дыскусіі як унутры амерыканскага грамадства, так і ўнутры Вярхоўнага суда ЗША, бо жорсткія пакаранні забароненыя канстытуцыяй ЗША, таму кола яе ўжывання няспынна памяньшаецца.
Таксама варта ўзгадаць, што прызначэнне суддзяў у ЗША ажыццяўляецца дэмакратычна абранымі уладамі, любы суддзя - вельмі дасведчаны юрыст і паважаны незалежны суб'ект, а не кішэнны выканаўца загадаў за прэмію і ільготную нерухомасць, пры разгляданні цяжкіх злачынстваў шырока выкарыстоўваецца суд прысяжных, а закрытыя суды - нонсэнс. Дзяржтайна бараніцца іншымі метадамі.
Нічога з гэтага няма пры дыктатурах, у т.л. і пры лукашыцскай.
Пасля выпадкаў мэтанакіраванага нераследвання справаў аб забойствах палітычных праціўнікаў рэжыма, вельмі сумнеўнай справы аб тэракце ў метро ў 2011 і нядаўняга распаўсюду СП на злачынствы, якія ня тычацца забойстваў (т.б. на палітычны пераслед), лукашысцкая ўлада ня мае аніякага права пазбаўляць кагосці жыцця нават праз суд. Гэта звыш таго, што смяротнае пакаранне ў Беларусі ўвогуле павіннае быць адмененае як патэнцыйная крыніца памылкі з непапраўнымі наступствамі.