Terakt u mietro, zabojstva žonki z kachankam, damino na žyćcio. Za što ŭ Biełarusi prysudžali da rasstrełu
U Słucku ciapier sudziać Alaksandra Taratutu i jaho žonku, jakija žorstka zabili trochhadovaha syna. Śviedkam u zale stanovicca błaha ad pačutaha. Prakurorka prosić rasstralać mužčynu, a jaho žonku adpravić na 25 hadoŭ za kraty. Jak pakazvaje praktyka, chutčej za ŭsio, Taratutu rasstralajuć. Zhadvajem, kamu raniej vynosili śmiarotnyja prysudy.
Biełaruś — adzinaja kraina ŭ Jeŭropie, dzie dahetul jość śmiarotnaje pakarańnie. Za hady niezaležnaści było vyniesiena bolš za 400 śmiarotnych prysudaŭ. U 2003-m adzin rasstrelny vyrak byŭ zamienieny na 15 hadoŭ źniavoleńnia Dźmitryju Charchalu.
Tolki dva śmiarotniki, 19-hadovy Stanisłaŭ i 21-hadovy Ilja Kościevy, byli ŭ 2021-m pamiłavanyja Łukašenkam. Chłopcaŭ hodam raniej asudzili na śmierć za zabojstva nastaŭnicy.
2011 hod. Terakt u mietro
Aficyjna asudžanych rasstralali ŭ sakaviku 2012 hoda (ale, zhodna sa źviestkami «Kibierpartyzanaŭ», Kavaloŭ skanaŭ u mai).
2013 hod. Damino, reŭnaść, kryŭdy
25 krasavika 2013 hoda Mahiloŭski abłasny sud pryhavaryŭ 45-hadovaha Ryhora Juzapčuka da śmiarotnaha pakarańnia za zabojstva sukamiernika.
Šmatrazova sudzimy Ryhor Juzapčuk u mahiloŭskaj turmie №4 hulaŭ z dvuma sukamiernikami ŭ damino na žyćcio. Paśla hulni jon zadušyŭ mužčynu, što prajhraŭ. Jaho achviara, sirata i dzietdomaviec, Ihar Chadakoŭ byŭ asudžany na 18 hadoŭ za toje, što padčas svarki zabiŭ rodnaha dziadźku, jaki dahladaŭ jaho.
Pra vykanańnie śmiarotnaha prysudu stała viadoma ŭ mai 2014 hoda.
Studenta histfaka BDU pryznali vinavatym u zabojstvie žonki i jaje kachanka, učynienym z asablivaj žorstkaściu. Pavieł parezaŭ na kavałki cieła mužčyny i vykinuŭ u śmietnicu pobač z domam. A praz paru dzion zabraŭ z kvatery dakumienty i… hałavu žončynaha kachanka.
26 listapada 2013 hoda Minski abłasny sud pryhavaryŭ da rasstrełu 53-hadovaha hramadzianina Rasii Eduarda Łykava.
Pra toje, što Łykava rasstralali, pravaabaroncy daviedalisia ŭ śniežni 2013 hoda.
25-hadovaha Alaksandra Hrunova rasstralali za zabojstva z asablivaj žorstkaściu homielskaj studentki Natalli Jemialjančykavaj. 20 vieraśnia 2012-ha z-za kryŭdy Hrunoŭ nanios dziaŭčynie nie mienš za 102 nažavyja ranieńni, ad čaho taja pamierła na miescy.
Sprava Hrunova razhladałasia dvojčy. Pieršy śmiarotny vyrak Homielskaha abłasnoha suda Viarchoŭny sud admianiŭ, nakiravaŭšy spravu na pierahlad. Ale 24 śniežnia 2013-ha byŭ vyniesieny toj ža prysud.
2015 hod. Zabojstvy žančyn
18 sakavika 2015 hoda sud Rečyckaha rajona vynies vyklučnuju mieru pakarańnia 21-hadovamu žycharu Rečycy Siarhieju Ivanovu za žorstkaje zabojstva 19-hadovaj dziaŭčyny.
Ivanoŭ byŭ trojčy sudzimym za chulihanstva i rabavańni. Apošni raz vyzvaliŭsia ŭ lutym 2013 hoda.
28-hadovaha Ivana Kulaša da pakarańnia śmierciu asudzili za zabojstva troch žančyn, kradziež i razboj.
U vieraśni 2013 hoda Kuleš zabiŭ dvuch pradaŭcoŭ u Lidzie i skraŭ z kramy hrošy i tavary bolš čym na 37 młn rubloŭ. U listapadzie 2014 hoda zabiŭ jašče adnu kramnicu ŭ Lidskim rajonie: nanios žančynie bolš za 10 udaraŭ siakieraj i abakraŭ mahazin. Akramia taho, Kulaša pryznali vinavatym u zamachu na zabojstva syna kramnicy, jaki zastaŭ jaho ŭ kramie.
2016 hod. Zarezaŭ sabutelnikaŭ i padpaliŭ dom
5 studzienia 2016 hoda Minski abłasny sud pryhavaryŭ da rasstrełu 49-hadovaha Hienadzia Jakavickaha.
Jaho pryznali vinavatym u zabojstvie z asablivaj žorstkaściu sužycielki. Mužčyna nanios joj 46 udaraŭ kułakom. Jakavicki byŭ nieadnarazova sudzimy.
29 listapada 2016 hoda kaardynatar kampanii «Pravaabaroncy suprać śmiarotnaha pakarańnia» Andrej Pałuda daviedaŭsia ab rasstrele 31-hadovaha Siarhieja Chmialeŭskaha.
Padčas zastolla Chmialeŭski zarezaŭ mužčynu i žančynu, a zatym, kab schavać złačynstva, padpaliŭ dom. Źbiahajučy, jon sustreŭ inšaha žychara vioski i z-za strachu być apaznanym šturchnuŭ mužčynu ŭ bietonnuju jamu. Toj pry padzieńni atrymaŭ ciažkija traŭmy i pamior u balnicy.
Mužčyna byŭ nieadnarazova sudzimy za kradziažy, razboi, chulihanstva, naŭmysnaje pryčynieńnie ciažkich cialesnych paškodžańniaŭ.
29 krasavika 2017 hoda Homielski abłasny sud atrymaŭ dakumienty ab rasstrele Vostrykava.
Vyrak Homielski abłasny sud vynies 28 śniežnia 2016 hoda, u kancy kastryčnika 2017-ha mužčynu rasstralali.
2017 hod. «Čornyja ryełtary» i razborki ŭ kamiery
Toj u Naroŭli zabiŭ 59-hadovaha piensijaniera i jaho 61-hadovuju siastru.
Rasstralany byŭ fihurant «spravy čornych ryełtaraŭ» Ihar Hieršankoŭ.
Jaho abvinavacili ŭ zabojstvach, vykradańni čałavieka, machlarstvie, razboi, vymahańni, niezakonnym abaračeńni narkotykaŭ abo psichatropaŭ.
Taki ž los čakaŭ i inšaha fihuranta «spravy čornych ryełtaraŭ» Siamiona Bieražnoha.
Da rasstrełu ŭ vieraśni 2017 hoda za zabojstva sukamiernika ŭ hłybockaj kałonii №13 byŭ asudžany 30-hadovy Viktar Lotaŭ.
Na sudzie Lotaŭ pryznaŭ vinu, paćvierdziŭ, što zabojstvy płanavaŭ zahadzia i paprasiŭ dla siabie rasstreł. Prysud nie abskardžvaŭ.
2018 hod. Pravučyć supiernicu
21 studzienia 2018 hoda Minski haradski sud pryhavaryŭ Viačasłava Sucharku i Alaksandra Žylnikava za zabojstva troch čałaviek da vyklučnaj miery pakarańnia.
Spačatku mužčynam prysudzili pažyćciovaje źniavoleńnie, ale Viarchoŭny sud pastanaviŭ pierahledzieć spravu. Na paŭtornym pracesie ich asudzili da rasstrełu.
2019 hod. Zabojstvy niemaŭlaci i maładych dziaŭčat
30 lipienia 2019 hoda Viciebski abłasny sud pryhavaryŭ da rasstrełu 50-hadovaha Viktara Paŭłava.
Abvinavačany pryznaŭsia ŭ złačynstvie i prasiŭ pakinuć jamu žyćcio. Pavodle pravaabaroncaŭ, Paŭłaŭ byŭ rasstralany 13 maja 2021 hoda, a jaho svajaki atrymali dakumienty tolki ŭ listapadzie 2021 hoda.
17 śniežnia 2019 hoda mužčyna byŭ rasstralany.
2020 hod. Palavańnie na piensijanieraŭ
6 sakavika 2020 hoda Minski abłasny sud pryhavaryŭ da rasstrełu 29-hadovaha Viktara Skrundzika.
Skrundzik zabiŭ dvuch piensijanieraŭ, a paśla napaŭ jašče na adnu pažyłuju žančynu, ale jana vyžyła.
***
Na śmiarotnaje pakarańnie zvyčajna asudžajuć u Biełarusi za zabojstva pry abciažarvalnych abstavinach. Takaja najvyšejšaja miera pakarańnia jość tolki dla mužčyn.
Pad rasstreł mohuć trapić čynoŭniki i vajskoŭcy, kali ich abvinavaciać u zdradzie dziaržavie.
«Naša Niva» — bastyjon biełaruščyny
PADTRYMAĆCierciel: Z pačatku hoda KDB zatrymaŭ bolš za 10 zdradnikaŭ
«Paśla hetych zabojstvaŭ usich starych, chto adzin žyŭ, dzieci pazabirali. Strašna»
«Jana pahražała mnie fizična, napadała seksualna». Alaksandr Rybak skardzicca na stałkierku3
Kamientary
Navat u ZŠA śmiarotnaje pakarańnie ŭžyvajecca daloka nie va ŭsich štatach, tolki za zabojstvy z aciahčajučymi abstavinami, nie da ŭsich asobaŭ, a vykanańnie śmiarotnaha prysudu ažyćciaŭlajecca praz šmat hadoŭ z metaj minimizacyi sudovaj pamyłki, što dało šmatlikim asudžanym dadatkovy čas na dokaz ułasnaj niavinavataści, dazvoliła vyzvalicca i reabilitavacca. SP zastajecca pradmietam vostraj dyskusii jak unutry amierykanskaha hramadstva, tak i ŭnutry Viarchoŭnaha suda ZŠA, bo žorstkija pakarańni zabaronienyja kanstytucyjaj ZŠA, tamu koła jaje ŭžyvańnia niaspynna pamiańšajecca.
Taksama varta ŭzhadać, što pryznačeńnie sudździaŭ u ZŠA ažyćciaŭlajecca demakratyčna abranymi uładami, luby sudździa - vielmi daśviedčany juryst i pavažany niezaležny subjekt, a nie kišenny vykanaŭca zahadaŭ za premiju i ilhotnuju nieruchomaść, pry razhladańni ciažkich złačynstvaŭ šyroka vykarystoŭvajecca sud prysiažnych, a zakrytyja sudy - nonsens. Dziaržtajna baranicca inšymi mietadami.
Ničoha z hetaha niama pry dyktaturach, u t.ł. i pry łukašycskaj.
Paśla vypadkaŭ metanakiravanaha nieraśledvańnia spravaŭ ab zabojstvach palityčnych praciŭnikaŭ režyma, vielmi sumnieŭnaj spravy ab terakcie ŭ mietro ŭ 2011 i niadaŭniaha raspaŭsiudu SP na złačynstvy, jakija nia tyčacca zabojstvaŭ (t.b. na palityčny pieraśled), łukašysckaja ŭłada nia maje anijakaha prava pazbaŭlać kahości žyćcia navat praz sud. Heta zvyš taho, što śmiarotnaje pakarańnie ŭ Biełarusi ŭvohule pavinnaje być admienienaje jak patencyjnaja krynica pamyłki ź niepapraŭnymi nastupstvami.