Бацьку палітвязня Мікіты Залатарова асудзілі чацвёрты раз запар
Міхаіл Лапуноў, бацька палітвязня Мікіты Залатарова, ужо 45 дзён правёў за кратамі. Яго тройчы абвінавачвалі па частцы 1 артыкула 19.11 КаАП Беларусі (распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыі). Цяпер арыштавалі і чацвёрты раз, піша «Гомельская вясна».
22 верасня, напярэдадні выхаду пасля адбыцця запар трэцяга адміністрацыйнага арышту, у судзе Цэнтральнага раёна суддзя Сяргей Кармановіч разгледзеў яшчэ адну адміністрацыйную справу, заведзеную ў дачыненні да Міхаіла Лапунова.
Лапуноў зноў быў прызнаны вінаватым у здзяйсненні правапарушэння і ўжо чацвёрты раз адпраўлены за краты.
Падтрымаць Міхаіла можна, даслаўшы яму паштоўку на адрас:
Лапуноў Міхаіл Рыгоравіч, ІЧУ, вул. Міжгародняя, 26, г. Гомель, 246144.
Сын Міхаіла — Мікіта — ці не наймаладзейшы з затрыманых у выніку пратэстаў 2020 года. На той момант 16-гадовага Мікіту, хворага на эпілепсію, абвінавацілі ажно паводле трох артыкулаў Крымінальнага кодэкса і асудзілі на 5 гадоў выхаваўчай калоніі.
Пазней на хлопца завялі яшчэ адну крымінальную справу — за тое, што ён нібыта напаў на супрацоўніка СІЗА і пагражаў яго родным.
Агульны тэрмін пакарання для Мікіты склаў 4 гады і 6 месяцаў выхаваўчай калоніі.
Судзяць гендырэктара БелАЗа. Пагражае да 15 гадоў9
Каментары