З сайта МГІМО выдалілі артыкул Ільі Лямешкіна пра Скарыну з пратэсным акравершам
З сайта часопіса Маскоўскага дзяржаўнага інстытута міжнародных адносін «Концепция: философия, религия, культура» знік артыкул дацэнта пражскага Карлава ўніверсітэта Ільі Лямешкіна, у якім ён акравершам зашыфраваў фразу «Сдохни, Путлер. Нет войне. И. Л.» Увагу на гэта звярнула выданне SOTA.
Яшчэ раніцай артыкул, прысвечаны беларускаму першадрукару Францыску Скарыну, быў на сайце даступны.
Матэрыял быў напісаны Лямешкіным у снежні 2022-га, а 24 лютага, у гадавіну пачатку поўнамаштабнай вайны ва Украіне, ён сімвалічна адправіў яго кіраўніцтву МГІМО для наступнай публікацыі.
У артыкуле Ілля Лямешкін закадаваў палітычнае пасланне выдаўцам. Для антыпуцінскага і антываеннага звароту навуковец выкарыстаў нязвыклы сродак перадачы інфармацыі — акраверш. Яго ўпершыню ў сваіх тэкстах ужыў 500 гадоў таму сам Скарына.
У акравершы пачатковыя літары вершаваных радкоў, прачытаныя зверху ўніз, утвараюць слова ці фразу.
Матэрыял складаецца з 22 абзацаў (адсылка да 2022 года, пачатку агрэсіі Расеі супраць Украіны), акравершаў — з двух ініцыялаў у канцы артыкула і чатырох лексем, якія разам утвараюць дзве прапановы: «Сдохни Путлер. Нет войне. И. Л.»
Сам навуковец расказваў, што спецыяльна настойваў на вёрстцы, якая робіць акраверш прыкметным. Рэдакцыя часопіса прыняла ўсе просьбы аўтара без пярэчанняў.
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары