У Оршы за палітыку судзяць праўладнага блогера, які называў сябе «памагатым крывавага рэжыму Лукашэнкі»
Мужчыну ставяць у віну прапаганду нацызму і ўдзел у масавым мерапрыемстве.
Фота: сацсеткі
Дзмітрый Беляшоў займаецца дызайнам сайтаў і SEO, а таксама вядзе каналы ў розных сацсетках. Там ён актыўна выказваў сімпатыі Лукашэнкі, а таксама высмейваў яго праціўнікаў.
35-гадовы блогер часта наведваў розныя праўладныя мерапрыемствы, фатаграфаваўся з савецкім сцягам. Нядаўна ён зняў ролік пра тое, як ставіць подпіс за камуніста Сяргея Сыранкова і паралельна таўраваў «бчбшнікаў», піша «Віцебск, я гуляю».
У апісанні свайго ютуб-канала Беляшоў сцвярджае, што з'яўляецца «памагатым «крывавага рэжыму» Лукашэнкі і ганарыцца гэтым».
Справу Дзмітрыя разглядаюць у судзе Аршанскага раёна. Яго абвінавачваюць паводле двух адміністрацыйных артыкулаў:
- 19.10 ч. 1 — прапаганда або публічнае дэманстраванне, выраб, распаўсюджванне нацысцкай сімволікі або атрыбутыкі;
- 24.23 ч. 1 — парушэнне парадку арганізацыі або правядзення масавых мерапрыемстваў.
У Рагачове тры школьніцы збілі 11-гадовага хлопчыка, сцягнулі з яго трусы і імітавалі сэкс13
Каментары