Улады Грузіі «дэтальна вывучаць» новыя санкцыі ЗША ў дачыненні да «Белавія»
У паведамленні грузінскіх авіяцыйных уладаў гаворыцца, што ў мэтах забеспячэння бяспекі «робіцца пастаянны маніторынг санкцый і абмежаванняў».
«Агенцтва грамадзянскай авіяцыі Міністэрства эканомікі і ўстойлівага развіцця Грузіі робіць пастаянны маніторынг санкцый і абмежаванняў, якія накладаюцца міжнароднымі арганізацыямі грамадзянскай авіяцыі і кампаніямі-вытворцамі грамадзянскай авіяцыі, зыходзячы з мэтаў забеспячэння бяспекі пасажыраў, палётаў і авіяцыйнай бяспекі», — удакладнілі ў грузінскім авіяцыйным ведамстве.
«На падставе санкцый, уведзеных вытворцам, Агенцтва […] з чэрвеня гэтага года абмежавала эксплуатацыю авіякампаніяй «Белавія» ў Грузіі самалётаў «Боінг». Адпаведна, рэйсы названай авіякампаніі ў кірунку Грузіі робяцца самалётамі «Эмбраер», — падкрэсліла ведамства.
Агенцтва заявіла, што адказ адносна ўвядзення Грузіяй абмежаванняў супраць «Белавія» будзе дадзены пасля вывучэння санкцый.
«Белавія» ў 2022 годзе займала чацвёртае месца па колькасці перавезеных пасажыраў у Грузію. Нацыянальны авіяперавозчык робіць штодзённыя рэйсы Тбілісі-Мінск-Тбілісі, Кутаісі-Мінск-Кутаісі і чатыры рэйсы ў тыдзень Батумі-Мінск-Батумі.
9 жніўня Упраўленне кантролю над замежнымі актывамі Мінфіна ЗША паведаміла аб пашырэнні абмежавальных захадаў у дачыненні да беларускага рэжыму «ў сувязі з трэцяй гадавінай сфальсіфікаваных прэзідэнцкіх выбараў у жніўні 2020 года». У санкцыйны пералік унесеная і авіякампанія «Белавія».
Брат удавы Зельцара: Кадэбісты ішлі ў кватэру па мяне10
Каментары