Свет1212

Сейму трэба вярнуцца да пытання ўніфікацыі санкцый супраць беларусаў і расіян — дарадца прэзідэнта Літвы

Літоўскаму Сейму варта вярнуцца да пытання ўніфікацыі прынятых на нацыянальным узроўні абмежавальных мер у дачыненні да беларусаў і расіян. Такое меркаванне выказаў у эфіры радыё LRT дарадца прэзідэнта Літвы Дарыус Урбонас, піша Delfi.lt.

Будынак літоўскага Сейма. Фота: Andrey Rudakov / Bloomberg via Getty Images

Чыноўнік зрабіў гэтую заяву, каментуючы інфармацыю Дэпартамента міграцыі пры МУС пра павелічэнне колькасці беларусаў, якія жывуць у Літве. Паводле слоў чыноўніка, калі б парламент прыняў прапанову прэзідэнта Гітанаса Наўседы ўвесці супраць грамадзян Беларусі і Расіі аднолькавыя санкцыі, «гэтая статыстыка выглядала б інакш».

«Як мы бачым, колькасць беларусаў у Літве, якія атрымалі дазвол на жыхарства на той ці іншай падставе, вырасла амаль да 60 тысяч, — цытуе Урбонаса партал навін Delfi. — Толькі сёлета іх колькасць павялічылася амаль на 10 тысяч.

Можна сказаць, што пасля вырашэння гэтага пытання і ўраўноўвання тлумачэння ў дачыненні да грамадзян Расіі і Беларусі — у гэтым выпадку пасля ўраўноўвання ўмоў іх уезду ў Літоўскую Рэспубліку — мы сапраўды зрабілі б вялікі крок наперад».

Урбонас таксама згадаў, што з лістапада мінулага года больш за 1,1 тыс. грамадзян Беларусі і Расіі былі прызнаныя пагрозай нацыянальнай бяспецы, хоць раней міграцыйная служба «прымала ўсяго некалькі такіх рашэнняў за год».

Рашэнне аб ураўноўванні санкцый супраць расіян і беларусаў знаходзіцца ў руках Сейма, а праявіць ініцыятыву павінен урад.

«Прэзідэнт выказвае сваю пазіцыю, ён яе ўжо выказаў. І працягвае выказваць. Мы вельмі спадзяёмся, што гэта будзе ўзята пад увагу», — сказаў Дарыус Урбонас.

Увесну Сейм Літвы прыняў пакет нацыянальных санкцый, якія пераважна для расійскіх грамадзян зрабілі больш строгім парадак уезду і знаходжання на тэрыторыі краіны, а таксама абмежавалі правы. У выніку ажыўленых дыскусій беларусы пазбеглі большасці абмежавальных захадаў.

Гітанас Наўседа наклаў на закон вета, дамагаючыся аднолькавых абмежаванняў для грамадзян Беларусі і Расіі, але парламент адхіліў яго прапановы.

Згодна з новым законам, з 2 мая 2023-га да 3 мая 2024 года для грамадзян Беларусі і Расіі абмежавалі атрыманне літоўскіх віз, электроннага статусу рэзідэнта, а таксама ўвоз імі ўкраінскіх грыўняў.

Для расіян ускладнілі магчымасць набыцця нерухомай маёмасці ў Літве і спынілі прыём заяў на атрыманне дазволаў на жыхарства.

Каментары12

  • лучше поздно, чем.......
    07.08.2023
    Ну, какбэ, схематозик семейный давно пора прикрыть. Дотянули до того и тогда, когда глава семьи, с белорусской стороны, начал засылать дрг вагнеров в Польшу и Литву, только тогда шевелиться начали.
  • Гонта
    07.08.2023
    *, наконт вагнераўцаў трэба беларусам турбавацца, а не летувісам, яны чальцы НАТА, і такімі законамі яны спрабуюць абмежаваць уезд мігрантаў з РБ. А ў вас дагэтуль пазіцыя “а можа так і трэба” - вам завезлі тысячы вагнераўцаў - а вам хоць бы што…
  • Žvir
    07.08.2023
    Im karcić dabić bielarusaū. Režym spieradu, lietuvisy ū śpinu.

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →