У Мінску прайшла традыцыйная акцыя салідарнасці з палітвязнямі. Гэтым разам абышлося без затрыманняў - заўтра ў Беларусі будзе вырашацца пытанне наконт падаўжэння санкцый у дачыненні да беларускіх чыноўнікаў.
На Кастрычніцкай плошчы Мінска а 18-й пачалася акцыя салідарнасці з палівязнямі і памяці зніклых беларускіх вядомых дзеячоў.
18:29
Акцыя скончана, усе разыходзяцца.
Цікава, што з адваротнага боку праспекта, там дзе Дом афіцэраў, цягам усёй акцыі знаходзілася група непаўналетніх.
Пры канцы акцыі яны пачалі ўскідваць рукі ў нацысцкім прывітанні і крычаць удзельнікам акцыі «Валіце адсюль» (толькі гэта казалася бруднай лаянкай), а потым палезлі цераз парэнчы ў Аляксандраўскі сквер.
18:20
Акцыя працягваецца, ніхто разганяць не збіраецца, відаць - паколькі заўтра ў Брусэлі будзе прымацца рашэнне наконт падаўжэння/мараторыя на санкцыі ў дачыненні да беларускіх чыноўнікаў
18:10
Зараз на плошчы каля 40 чалавек, міліцыя не ўмешваецца. Да акцыі далучыліся мастак Алесь Пушкін і сустаршыня аргкамітэта БХД Віталь Рымашэўскі.
Удзельнікі акцыі гукаюць «Жыве Беларусь» і «Свабоду палітвязням». Узняўся адзін бел-чырвона-белы сцяг, яго прынеслі актывісты «Еўрапейскай Беларусі».
18:03
Перад пачаткам акцыі нехта на плошчы запусціў феерверк.
Зараз на плошчы — каля 30 чалавек. Сярод іх палітыкі і грамадскія дзеячы — экс-старшыня Партыі БНФ Лявон Баршчэўскі, старшыня Аб'яднанай грамадзянскай партыі Анатоль Лябедзька, актывіст ініцыятывы «Еўрапейская Беларусь» Яўген Афнагель, маладафронтаўцы Наста Палажанка і Зміцер Дашкевіч, кіраўнік аргкамітэта руху «Разам» Вячаслаў Сіўчык.
Людзі трымаюць расцяжку: «Мы помнім», партрэты зніклых — Віктара Ганчара, Анатоля Красоўскага, Юрыя Захаранкі, Дзмітрыя Завадскага, а таксама сённяшніх палітвязняў: ваўкавысцаў Мікалая Аўтуховіча і Юрыя Асіпенкі, маладафронтаўца Арцёма Дубскага, бізнесмена Андрэя Бандарэнкі.
***
Ужо чацвёрты год кожны месяц 16‑га дня праходзіць акцыя ў падтрымку палітвязняў і сем’яў зніклых. У розных гарадах Беларусі і замежжа людзі выходзяць на вуліцы са сцягамі і партрэтамі, каб прызваць беларускія ўлады да спынення рэпрэсій і да палітычных зменаў у краіне.
16 лістапада акцыя «Салідарнасці» мае на мэце нагадаць грамадству, што ў Беларусі ўсё яшчэ ёсць вязні сумлення:
гэта ваўкавыскія прадпрымальнікі Мікалай Аўтуховіч і Уладзімір Асіпенка, а таксама актывіст «Маладога Фронту» Арцём Дубскі.
Таксама ў Беларусі па‑ранейшаму амаль не расследуюцца справы аб знікненні ў 1999‑2000 гадах апазіцыйных лідэраў Віктара Ганчара, Юрыя Захаранкі, Анатоля Красоўскага і журналіста Дзмітрыя Завадскага. У выкраданні гэтых людзей міжнародная супольнасць падазрае высокапастаўленых беларускіх чыноўнікаў.
Колькі насамрэч цягнуцца працоўныя паездкі Лукашэнкі? Цікавыя лічбы17
Каментары