Ежа33

Як уласнаручна зрабіць маянэз ды іншыя запраўкі для салаты

Маянэз не лічыцца карысным прадуктам, але ў некаторых салатах цяжка замяніць яго чымсьці лепшым. Таму, калі вам не падабаецца маянэз у краме — занадта салодкі, воцатны ці тлусты, вы можаце зрабіць яго самі — такім, які прыйдзецца вам даспадобы. Галоўнае, што патрэбна, — гэта блэндар.

mayonnaise
Фота: Vecteezy

Каб самому прыгатаваць маянэз, спатрэбіцца:

  • 1 яечны жаўток,
  • 1 сталовая лыжка гарчыцы,
  • 1 сталовая лыжка халоднай вады,
  • 1 чайная лыжка воцату,
  • 225 мл любога алею, які не кіслотны і не шчолачны,
  • 25 мл аліўкавага алею,
  • соль.

Як гатаваць:

  1. Выкарыстоўвайце пагружны блэндар. У большасці кухонных камбайнаў складана прыгатаваць невялікую колькасць маянэзу, бо іх аб'ём занадта вялікі для такой малой колькасці інгрэдыентаў. Аднак гэта нашмат прасцей зрабіць пагружным блэндарам, калі ў вас ёсць слоік або збан, які толькі трохі шырэйшы, чым галоўка блэндара. Калі ёмістасць занадта шырокая, будуць праблемы.
  2. Спачатку пакладзіце ў збан 1 ці 2 яечныя жаўткі. Калі вы хочаце атрымаць насычаны маянэз з яечным смакам, бярыце два яечныя жаўткі; для больш лёгкага выкарыстоўвайце цэлае яйка. Што б вы ні абралі, яно павінна патрапіць у збан перад алеем.
  3. Дадайце любыя араматызатары і трохі вады. Гэта можа быць дыжонская гарчыца + белы вінны воцат, але падыдзе любая гарчыца і воцат, а таксама зубчык раздушанага часнаку, невялікі пучок дробна нарэзаных мяккіх траў і г. д. Плюс сталовая лыжка халоднай вады, якая дапаможа складнікам з'яднацца.
  4. Выліце алей на жаўткі.
  5. Пакіньце сумесь на 30 секунд. Затым апусціце блэндар на дно збана, над жаўтком, і ўключыце. Змешвайце, трымаючы блэндар прыціснутым да дна, пакуль не ўбачыце, як белы маянэз пачынае ўспушвацца знізу, пасля чаго вы можаце вельмі павольна пачаць падымаць галоўку ўверх па збане, працягваючы змешваць, пакуль увесь алей не растворыцца.
  6. Праблемы? Не панікуйце! Калі ваш маянэз вадкі і з камякамі, пакіньце яго на некалькі хвілін, а затым павольна паўтарыце апісаны вышэй працэс. Калі гэта таксама не спрацуе, наліце пару сталовых лыжак халоднай вады ў новы збан з невялікай колькасцю вашай сумесі, затым паўтарыце, паступова дадаючы рэшту, пакуль усё не змяшаецца.
  7. Запраўце маянэз як жадаеце. Акрамя нарэзаных траў (напрыклад, чарамшы), вы можаце дадаць цёртую цэдру цытрусавых, вэнджаную папрыку або парашок кары. Або зрабіць тартар-соус, калі дадасцё дробна нарэзаныя каперсы, цыбулю-шалот, пятрушку і карнішоны. Магчымасці амаль бязмежныя.
Olive oil
Фота: Pixabay

Калі вы хочаце разнастаіць смак салаты, але маянэз вам не падабаецца, паспрабуйце іншыя простыя соусы — напрыклад, класічную запраўку для салаты з воцатам ці лімонным сокам. Гэта традыцыйная сумесь тлушчу і нейкай кіслаты — звычайна алею + воцату або цытрусавага соку — плюс соль і перац на ваш густ. Базавыя суадносіны — гэта звычайна тры часткі алею на адну частку кіслай вадкасці (напрыклад, 3 сталовыя лыжкі аліўкавага алею на 1 сталовую лыжку воцату) — такой запраўкі хопіць на адзін-два салаты. Аднак гэтая формула з'яўляецца больш арыенцірам, чым абсалютным правілам, таму, калі вы любіце воцат або цытрусавыя, то можаце змешваць тлушч ды кіслату і ў іншых прапорцыях.

Для больш арыгінальнага смаку можна дадаць іншыя складнікі, напрыклад:

  • здробненую цыбулю-шалот або часнок,
  • здробненыя свежыя ці сушаныя травы,
  • гарчыцу,
  • падсалоджвальнікі, такія як мёд, кляновы сіроп, какосавы цукар ці нектар агавы.

Або абярыце адну з гэтых камбінацый і адрэгулюйце па смаку, мяняючы складнікі па сваім жаданні:

  • аліўкавы алей + бальзамічны воцат + смажаны часнок,
  • алей авакада + сок лайма + сечаная кінза,
  • аліўкавы алей + лімонны сок + молатая гарчыца + здробненая цыбуля-шалот,
  • кунжутны алей + рысавы воцат + апельсінавы сок + мёд.

 Чытайце яшчэ:

Чым карысная спаржа, як яе выбраць і што з яе можна прыгатаваць 

Як выбраць сыр: які самы карысны, а якога лепей пазбягаць

Ячэджан — хрумсткія карэйскія бліны з гароднінай, якія падымуць вам настрой

Каментары3

  • Жвір
    28.05.2023
    Ай, не. Лепш без заправак, а калі бяз іх ніяк, дык нешта адно, а не "кактэйль" з усяго ўсялякага.
  • хамса ў тамаці
    28.05.2023
    прыгожае фота. яркае)

    сяброўка да шашлыка такі "соус" рабіла - напалам маянез і таматны соус, яна туды яшчэ пер'е часныка крышыла. а сястрычка яе ўвогуле любіла намазаць маянез на батон - вось нехта любіць маянез нават так) і муж мой з такім таматна-маянэзным соусам пельмені есць, са смятанай не падабаецца яму
    што тыя ўрэднасці )
  • Ёсік
    28.05.2023
    Воцат сьмярдзіць у маянэзе, сталовая лыжка гарчыцы зашмат, аліўкавы алей не танны. Я так раблю - 175 мл сланечнікавага алею, палову ч.л. цукру, 1/4 ч.л. солі, палову ч.л. гарчыцы, трошкі молатага чорнага перцу, адно яйка, а не толькі жаўток, і сталовая лыжка сока выціснутага лімона. У блэндары зьмяшаць.

Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне39

Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне

Усе навіны →
Усе навіны

МЗС Германіі: У турмах Расіі застаецца двухзначная колькасць немцаў

Ягадны тарт з маскарпонэ — рэцэпт1

Кіраўнік Беларускага дома ў Варшаве пабіўся з фатографам з Расіі? Што адбылося23

У СІЗА Бірабіджана ад галадоўкі памёр расійскі антываенны актывіст4

«Палітыка — самая вялікая прастытуцыя». Удава забітага Красікавым чачэнца асудзіла яго выдачу Расіі14

«Дэдпул і Расамаха». Абсалютна адбіты фільм, які ўсім спадабаецца11

Беларускі батутыст Іван Літвіновіч стаў двухразовым алімпійскім чэмпіёнам20

Ілья Яшын: Двух чалавек са спісаў на абмен выкраслілі ў апошні момант

З'явілася ВІДЭА, як у латвійскіх маладзёнаў знайшлі на мяжы пакецік з наркотыкамі — 0,82 грама марыхуаны9

больш чытаных навін
больш лайканых навін

Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне39

Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне

Галоўнае
Усе навіны →