Грамадства1515

Публікацыя відэа са сцэнай збівання салігорскага сямікласніка выклікала рэзананс і прыцягнула ўвагу да праблемы

У выданне «Электронны Салігорск» падпісчык даслаў відэа бойкі паміж вучнямі сёмага класа ў адной з мясцовых школ. Рэдакцыя відэа апублікавала і гэтым прыцягнула ўвагу да праблемы дзіцячага булінгу і яго наступстваў. 

Бойка, якая трапіла на відэа, насамрэч больш была падобная да расправы, бо гэта не было змаганне роўных па сіле, аднаго з вучняў яўна каралі. Адзін з хлопчыкаў наносіў другому ўдары, а яго «падстрахоўваў» іншы вучань. Пры гэтым астатнія дзеці, якія знаходзіліся ў той час у класе, не заступіліся за хлопчыка і не паклікалі настаўніка, калі аднакласніка збівалі проста на іх вачах.

Пасля таго, як знятае на тэлефон відэа апынулася ў распараджэнні рэдакцыі «Электроннага Салігорска» і было апублікавана, гэта выклікала абмеркаванне ў каментарах. Прытым думкі разышліся. Былі такія, хто вінаваціў журналістаў у тым, што тыя апублікавалі гэтае відэа. Маўляў, яны гэта зрабілі дзеля трафіку, лайкаў, падпісчыкаў, то-бок з карыслівымі мэтамі. Бо навошта такое выносіць у публічную сферу?

Рэдакцыя, аднак, прынцыпова пярэчыць: «Канкрэтна ў гэтай сітуацыі мы хацелі прыцягнуць увагу грамадскасці да падобных гісторый, каб пазбегнуць замоўчвання і паўтарэння падобных сцэнарыяў у іншых школах».

І многія салігорцы з журналістамі, як сцвярджаецца, у гэтым салідарныя.

Яны пішуць і тэлефануюць у рэдакцыю, каб падтрымаць яе і сказаць, што пра булінг проста неабходна гаварыць адкрыта.

Бо не сакрэт, што ў кожнай школе ёсць дзеці, з якімі абыходзяцца жорстка і якіх проста цкуюць. Прытым сярод тых, хто гэта піша ды гаворыць, — і тыя, хто сам сутыкаўся з жорсткім абыходжаннем з боку аднагодкаў, і бацькі сённяшніх вучняў, якія перажываюць за сваіх дзяцей.

Надзвычай здзівіў рэдакцыю той факт, што многія званкі тычыліся падпісчыка, які даслаў відэа. Нейкія людзі ўсімі праўдамі і няпраўдамі спрабавалі даведацца ягоную асобу.

«Узнікае слушнае пытанне: для чаго? Вядома, ніякіх звестак суразмоўцам рэдакцыя «Электроннага Салігорска» не давала. Але рашэнне праблем праз падпісчыка, які даслаў відэа, выклікала немалое здзіўленне», — піша рэдакцыя.

«Школьны булінг — гэта не норма! Наступствы могуць быць незваротнымі», — перакананыя журналісты.

І прыводзяць сумны прыклад з недалёкай салігорскай гісторыі. Вучаніцу адной са школ пастаянна цкавалі аднакласнікі. Кампанія хуліганаў дзеля забавы рабіла ўсё магчымае, каб сапсаваць жыццё абранай ахвяры. У сваім класе заступіцца за яе не было каму, бо хуліганаў проста баяліся. Спробы ж падтрымаць школьніцу некаторымі вучнямі з іншых класаў карэнным чынам сітуацыі не мянялі.

Апошняй кропляй тады стала, як можа падацца дарослым, дробязь. Дзяўчынцы ў распранальні аплявалі куртку, пасля чаго яна прыйшла дадому і скінулася з даху 9-павярховага дома.

Тая трагедыя выклікала шок у школе і ўразіла многіх, але, як сцвярджае журналіст, які асабіста ведаў загінулую і абставіны надзвычайнага здарэння, не паўплывала на непасрэдна вінаватых у ёй, бо яны, маўляў, смяяліся і здзекаваліся з памерлай ахвяры нават у пахавальнай працэсіі.

Ахвяра ж таго булінгу была спакойнай і добрай дзяўчынкай, але вельмі няшчаснай з-за праблем у школе. А некалькі вучняў, якія яе падтрымлівалі, змяніць сітуацыю не маглі.

Што тычыцца сітуацыі, адлюстраванай на апублікаваным відэа, то 16 мая маці пацярпелага дзіцяці звярнулася па гэтым факце ў міліцыю. Цяпер праводзіцца праверка. Дзеянням кожнага з фігурантаў, як заяўляецца, дадуць прававую ацэнку, а цяжар прычыненых цялесных пашкоджанняў ацэняць эксперты. Так як ніводнаму з удзельнікаў канфлікту яшчэ не споўнілася 14 гадоў, адказнасць за іх учынкі будуць несці дарослыя, заявілі сілавікі.

Каментары15

  • ром
    21.05.2023
    за действия детей должны нести ответственность их родители!! огромные штрафы быстро все расставят по местам
  • kurt
    21.05.2023
    Dzie byli nastaunicy? Pradmietniki, klasnaja, zavucz pa vychavanniu? Jany szto byli slapyja i gluchija? Bulling u szkole heta prablema daroslych jakija adkazvajuc za dziacij u szkole. Administacyju preba addac nad sud razam z klasnym kiraunikom.
  • Снид
    21.05.2023
    во-первых, с каких пор два дерущихся пацана - это "буллинг"? тут явно не хватает какой-то предыстории
    во-вторых, представим, что возможно поставить над каждым дитём по надзирателю, который бы предотвращал любые драки и агрессию - вы реально хотите, чтобы ваши дети социализировались в таком концлагере политкорректности? кулачные бои - тоже форма социализации, дитё должно учиться постоять за себя в том числе и силовыми методами

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →